::: مـنتدى قبيلـة الـدواسـر الـرسمي ::: - قصيدة الحبابي في الدواسر مع الرد

السلام عليكم ورحمة الله وبركاته

تحيه طيبه و حبيت انقلكم قصيده للشاعر :
سعد بن مهدي الحبابي
في مدح الوداعين أهل السليل عندما رافقهم اربع سنوات
من خلال عمله كمعلم بمحافظة السليل

يالله يـالـمـطــلــوب يــاقـــاضـــي الــــديــــن=يـــاواحـــد كـــــــل الـــمــــلا تـلــتــجــي لـــــــه
فـــــرد صــمـــد مـــــد الــبــلــد بـالـمـيـامـيـن=وامـــن وآمــــان عــقــب مــاهــي مـحـيـلـة
يالله عــســـاه ايـــــدوم آمـــيـــن وآمـــيـــن=يــانــاصـــر ديــــنــــك ومــــــــن يـنـتـمـيــلــه
مــــن بـعــدهــا والــقـــول يـلــقــا بـراهــيــن=والـــعـــز مــنــهــاج الـقـبــايــل الاصــيــلـــه
قـــــول الـحـبـابــي بـالـحـقـايـق ويـــازيـــن=رســـــم الــكـــلام الـــلـــي يــثــبــت دلــيــلــه
فــــي مــركــب الايــــام والـعـمــر يـومــيــن=حـســب الـضــروف وللـمـعـالـي وسـيـلــه
ومن طيب حضي جيت بين الوداعين=قــبــيـــلـــة بـــالــــعــــز نـــــعــــــم الــقــبــيــلـــه
اهــل السلـيـل فـــي الـمـواقـف سـلاطـيـن=عـنـد القـسـى مـثـل السـيـوف الصقيـلـه
روس الـــرجـــال مـرجـحــيــن الــمــوازيــن=اهــــــل الــمــراجــل والــفــعــول الـجــزيــلــه
عـاداتـهـم تـعــرف مـــع الـعـسـر والـلـيـن=وقـفــاتــهــم عــــنــــد الــشـــدايـــد ثــقــيــلــه
واهـــــل الـفـعـايــل مـلـحـقـيــن الـمـخـلـيــن=واهـــــل الـجــهــام الــلـــي قـلــيــل مـثـيــلــه
يــرعــون بــــه حــــد الـمـعــادي جـريــيــن=مــن بـطـن نـجـد الــى الـنـفـود المهـيـلـه
تـشـهـد لـهــم طـالاتـهـم فــــي الـمـيـاديـن=لاجــــــا نـــهـــار فـــيـــه قـــــــدح الـفـتـيــلــه
وتشهـد لهـم عـشـر السـوالـف بتمكـيـن=عــنــد الــخـــوي والــجـــار لاقـــــل حـيــلــه
وســلــومــهــم وعــلــومــهــم بـالــعــنــاويــن=فــي روس مـشــذوب الـرجــوم الطـويـلـه
اربــــع سـنـيــن بـيـنـهـم تـعـجــب الـعـيــن=والــطــيــب يــثــنــى كــــــل يــــــوم ولــيــلـــه
خــوة شـــرف كـنــي مـــع الـربــع لـدنـيـن=عـــــزي لــمـــن دنــيـــاه مـاتـسـتــوي لــــــه
ماهـيـب تسـتـغـرب مـــن اول وذالـحـيـن=مـجـنــى حــــرار وكـلــهــم مـــــن فـصـيـلــه
وكــــل اخـويـانــا بـافــخــر فـالــهــم زيـــــن=ومـــــن قـــــدم الـنــامــوس يـلــقــا بـديــلــه
واليـوم جـانـا النـقـل مــن ويــن لا ويــن=الله يــــعـــــلـــــم والـــلـــيــــالــــي كـــفـــيــــلــــه
والله لـــــولا الـــخـــط مـــاحـــن بــراضــيــن=لاكــــــن كــــــل مـــاضـــي فــــــي سـبــيــلــه
بـيــن الـعـمـل والـبـيـت مــيــه وعـشـريــن=والــوقـــت قــاســـي والـمـســافــة طــويــلــه
ان جــيــت مــنـــا لا الـمـنـاعـيـر وافــيـــن=وان جــيـــت مـــنـــا حـــاجـــة مـسـتـحـيـلـه
لاكــن عـلــى مـاقـيـل لـــو طـــول الـبـيـن=الـــقـــدر يـــمـــلا الـــصـــدر والله وكــيــلــه
وعــلـــى الـمــعــزة والـمــواصــل مـقـيـمـيـن=سـلــم الـرجــال ومـــن دعـانــا نـجــي لـــه
الله يـثـبـتـنــا عـــلـــى الـــحــــق والـــديــــن=ويـــزيـــل عـــنـــا كــــــل عــيــلـــه ومــيــلـــه
وخـتـامــهــا يــاشــيــن فـــرقـــا الـمـحـبـيــن=والــلــي شـكـاهــا يــاعـــرب عــزتـــي لـــــه

وهذه القصيده رد الشاعر عبدالله بن مرضي الجماعين الودعاني الدوسري نيابة عن أهل السليل :

يامـرحـبـاً بـــك يـابــن قـحـطـان وأهـلـيــن=تــرحــيــبــة فــــــــي مــســتــواهـــا نــبــيــلـــه
مــاتــرخـــص إلا لــلــرجـــال الـكـريــمــيــن=خلـيـلـهـا الـنـشـمـي وهــــي لـــــه خـلـيـلــه
وننـطـح بـهـا قــاف الـرجــال العـزيـزيـن=وتـثـنــى لـقـافــك عـــــد وبـــــل الـمـخـيـلـه
واعـداد مـا صـفـت صـفـوف المصلـيـن=ومـابــان نـــور الـصـبــح وانــــزاح لـيـلــه
صح الله إلسانك على المنطـق الزيـن=وعـــوايـــدك بــــــدع الـــهـــروج الـدلــيــلــه
عـلـى الـجـزالـه يـاسـعـد مـنــك ضـاريــن=ولا نـذكــر انـهــا جـــات مـنــك الهـزيـلـه
ولا هنت في مدحك لنا يا أحمر العين=فـيـمـا بـدعــت مـــن الـبـيــوت الـجـزيـلـه
ولا عــلــيــكــم زود بــالــطــيــب وافــــيـــــن=يـــا أهـــل الـمـراجـل والـسـلـوم الجـمـيـلـه
يـابــن مـهــدي نــعــم بــذكــرك ونـعـمـيـن=وقـولــت نـعــم فـــي حـــق مـثـلـك قـلـيـلـه
قــرم وسـاسـك مــن زحـــول القحـاطـيـن=سـاس الشـرف واهـل الوجيـه الطويـلـه
يـجــدبــك لـلـنـامــوس والــجـــود جـــديـــن=تـمـكــنــت فـــيـــك الـــعـــروق الاصــيــلـــه
رافقـتـنـا يـابــن الـرجــال اربــــع اسـنـيــن=ومـــــرت عـلـيــنــا مـــثـــل يــــــوم ولــيــلــه
رفـقــتــك تــشـــرى يـاســعــد بـالـمـلايـيــن=ومـثـلــك يــلامــن راح يـصــعــب بـديــلــه
عــشــنــا ورافــقــنـــا رجـــــــال عــديــديـــن=ولا كـــــل مــــــن قـــفـــا شــحــنــا رحــيــلــه
ولا كـل مـن جانـا مـن الربـع الاقصين=يروح مــنـــضـــور بــعـــيـــنٍ جــلــيــلــه
والـــرجـــل بـفـعــالــه لــربــعـــه عــنــاويـــن=وانــت لـبـنـي عـمــك كـسـبـت الفضـيـلـه
ولـو غبـت عنـا عـنـك مـاحـن بسالـيـن=ولا نـعـتـبـر وصــــل الـهـواتــف وسـيـلــه
مـايــكــفــي الــــجــــوال مــــــــره وثــنــتــيــن=دام اجـتــمــاعٍ بـــــك لــنـــا فــيـــه حــيــلــه
شـوفـتـك يـقــرب لجـلـهـا نــــازح الـبـيــن=ورفـيــقــنــا الــطــيـــب لـــــــزوم انـعـنـيــلــه
وتمـت وصلـى الله علـى ناصـر الديـن=نـبـيـنــا الـمـخـتــار مــــــن بـــيـــن جــيــلــه
وأقــبــل تـحــيــات ازمـــــلاك الـوداعــيــن=مــــن بـــــاب تـقــديــر الـزمــيــل لـزمـيـلــه
مشمومـهـا الـكــادي وعـطــر الريـاحـيـن=ونــفــحٍ مــــن الــرســلان لافــــاح هـيـلــه

و نعم فيكم يالدواسر عموم
في الخوه و في الجيره و في النسب
هذا و لكم مني اطيب تحياتـــي ...