::: مـنتدى قبيلـة الـدواسـر الـرسمي ::: - مساجله بين الشاعر غانم بن وطبان ال عمار والشاعر ناجي بن مدعث ال عمار

يقول غانم بن وطبان
يالله عسى بزبوز صفوى يكمل ماه..غدالي ذهاب كل صبح وعصريه..
توافيتنا ويا هنوف على مسقاه.. وقلبي خفيف واطرفت عينها ليه..
فترى الاجنبي في ربعته ماتعرف اقصاه..الى صار ماتقدر على دايما جيه..

فرد عليه ناجي بن مدعث يقول

يالله عسى بزبوزها مايكمل ماه..حيثه مدهل للي ثناياه مجليه..
على شان لامن اشتحن تنتله تنصاه..وهو يصير عذر لا بغا الجي للريه..
فعسى ماوطى حالك عليك السبب ياطاه..عساه يتشكى مثل ماتشتكي ليه..
فعسى مابحبك له على شان حلو حكاه..ترى الهرج ماينفع بليا موديه..
فترى اللي مود لاهرج بين مجراه..مجاريه هرج الصدق مافيه ملويه..
وهرج مضالك لنتزح منك ماينساه..ولامن هرج لك هرجه جات برحيه..
ومن ربعته مع الاجنبي تجرحه فرقاه..ملزوم به الفرقا ويصبر على الكيه..
فمثلك يحمد الله قد الله عطاه مناه..على غايتك ومناك من البيض نشميه..
فلاتصير مثل اللي نتخ عينه بيمناه..تجازيك بنت القرم جزوى ضروريه..
ترابع مع الاجناب وهي صارت مخلاه..على مشاشها سفهت بقت فيه منسيه..
فلا ياعبييد لاتبين لها ممشاه..وهو لا لفى يجحد طرايق مماشيه..

صفوى المذكوره..فالمنطقه الشرقيه