|
ارفا خمال الصاحب اللي زل وان غاب امدحه
السلان عليكم ورحمة الله وبركاته
مساكم الله بالخير واقدم هذه المتواضعه لعلها تشفع لنا بعد هذا الغياب
من باب درء المفسده او باب جلب المصلحه = يبقى النقا لو تختلف الانظار في مفهومها احيان اخيط الجرح واحياناً اطره واجرحه = واعرف قياس الناس بين رخومها وقرومها ارفا خمال الصاحب اللي زل وان غاب امدحه = لاجا يحرج صحبته بتراب! جيت اسومها ماني من اللي زلة الصاحب لاجاته تفرحه = بعض البشر ماميّزت باصحابها وخصومها وان جا يحرّث جمر صحبة عمر بالطيب اطرحه = لي عادةٍ يوم البشر بطبوعها وسلومها يوم الجدي ماغاب نجم سهيل بالعام المحه = مراجلٍ تحضر مع الموسم تغيب نجومها يوم ان كلٍ رفقته خسارته او مربحه = حشمت نفسي عن مصالح دنيتي وعلومها القرم فعل الغانمة عند اللوازم مشلحه = والا الضعوف ضعوف لو تكشخ بكل هدومها |
رد: ارفا خمال الصاحب اللي زل وان غاب امدحه
الله الله
صح لسانك يابو غازي أبيات رائعة وقمة وأنت في القمة دائماً حكمة وتجربة واضحة في هذه الأبيات تقبل ودي وتقديري ،،، |
رد: ارفا خمال الصاحب اللي زل وان غاب امدحه
الـــــقــــــرم فـــــعــــــل الــغـــانـــمـــة عـــــنــــــد الـــــلــــــوازم مــشـــلـــحـــه
والا الـضـعـوف ضـعــوف لـــو تـكـشـخ بـكــل هـدومـهــا الله يصح لسانك يا خالد قصيده جزله من شاعر جزل تقبل مروري وتقديري |
رد: ارفا خمال الصاحب اللي زل وان غاب امدحه
ياسلام عليك يابوغازي شهادتي فيك مجروحه
صح الله لسانك ملاييييييييين |
الساعة الآن 08:06 PM
 |
Powered by vBulletin® Copyright ©2000 - 2025, Jelsoft Enterprises Ltd.
---