-


مشكور يا صبري و لا يهون حيلي
لا زلت احسّ انّي مع الوقت محتاج


راح العمر ما بين حطَّي و شيَلي
و ما بين مدخال و متاهه و مخراج


على الهموم يروح ثلثين ليلي
و ثلثه الاخير ادوّر لهمّي افراج


و يبين في وجهي بقايا حصيلي
و عيون خلق الله تسبّب لي احراج


يمكن عشان الحزن قاطع سبيلي
و لاّ عشاني أنتظر ضحكة حْجاج !


انا رهين مْواصلك يا خليلي
ياللي حضورك صمت و غيابك ازعاج


تنقل جروح ايّامك و تشتكي لي
و آعالجك وانا اللي ادّور علاج !


تبسّم و خلّ البشاير تجي لي
الى متى و هي حبيسات الادراج


يكفي اشوفك غير عن كلّ جيلي
و اشوف لك عن باقي الناس منهاج


دربك عن دْروب التعاسه دليلي
و قلبك على ظلمة مشاويري سْراج


بجيّتك كلّ الفرح يهتدي لي
و بغيبتك محتاج ،محتاج ،محتاج !



مما راق لي
للشاعر خالد سعد الدوسري