::: مـنتدى قبيلـة الـدواسـر الـرسمي ::: - يامل قلبٍ على المنهاج يشتاق ،،، يشتاق ويهيضه بعض الطواري ،، الشاعر / محمد ين محسن بن حشفل الخضران

- :: قسم الـشعر العــام :: (http://alduwaser.org/vb/forumdisplay.php?f=16)

يامل قلبٍ على المنهاج يشتاق ،،، يشتاق ويهيضه بعض الطواري ،، الشاعر / محمد ين محسن بن حشفل الخضران

بسم الله الرحمن الرحيم

حبيت أشاركـ اليوم بقصيدهـ لأخوي الشاعر/محمد بن محسن بن حشفل

الخضران وأتمنى أن تنول إعجابكم ،،،،

يامل قلبٍ على المنهاج يشتاق
يشتاق ويهيضه بعض الطواري
يتوق مثل الوحش بالسبق لا تاق
يتوق شفقٍ على شوف البراري
سج القدم وسعه الصدر لا ضاق
الله يازين لذات المساري
خصٍ الى شفت نوٍ فيه براق
لا قام يكشف بنوره فالغداري
جعله على ديره المحبوب ينساق
عقب المحل تمتلى منه الخباري
يسقي وطن صاحبٍ بالعهد ماباق
اللى فراقه على غير أختياري
من دون شوفه عرض لي بعد وفراق
واليوم عن نيته مانيب داري
مريت داره قبل تلتم الاشفاق
لاذي رموسه بنت فيها الذواري
وقفت أنا فيه ماعندي تحقاق
تغيرت وأختفت عنها الاثاري
ياعاذلي كف عذلكـ مالي أخلاق
العذل ماهوب يامسلم جباري
حلف ماسج من تلعات الاعناق
لو كان منهن بعد ماخذيت ثاري
عيني شفوقٍ لهن والقلب محراق
قلبٍ غدا بين بياعٍ وشاري

الشاعر/ محمد بن محسن بن حشفل الخضران

وتقبلو خالص تحياتي وأنتظرونا بالجديـــد بأذن الله ،،،،