نظمت من فكري وشعري لي ابيات=مضمونها الترحيب واجمل تحيات
باللي لفا عاني واجاب الداعي =راشد ابومحمد سليل النتيفات
ذخر الدواسر متعبين الركايب=ربع لهم في المجد صوله وجولات
افعالهم مذكورة ومخبورة=في وقتنا الحالي ومن ماض الاوقات
تاسم عصا جيرانها بالعوايد=والضيف يمشي في الفجوج الوسيعات
آمن ومطمئن ولايلحقه خوف=يمشي على شفه جميع اتجاهات
وبسم الجميع اليوم يامرحبا الف=يابومحمد ياعشيق المروات
يالحر يانسل الحرار النوادر=يالصيرمي ياعاشق المستحيلات
يالذيب ياساس الكرم والشجاعه=يالغيث يالهتان رجل المهمات
راعي اليمين مقدمة كل طيب=وعز الخوي لاجات في الوقت ميلات
ريف الضيوف مقدم حشو وبكار=يفعل ولايحسب حساب الخسارات
نفخر بمعرفته ومثله تجاره=مضمونة الارباح واعلى التجارات
واثني الترحيب بالكل واقول=يامرحبا واعداد وبل المخيلات
شرفتو الحله وزاد الفرح زاد=واستاسع الحاصر ولافيه ضيقات
والثانية مبروك يابومحمد=مبروك مركزكم عسا للنجاحات
والله يعينك للحمول وتعبها=وتعين ببذل للحمول الثقيلات
قلته وانا صالح بن محسن مطيع=سلايل رجال تعسف الصعيبات
سلايل سليم الرجال المسمين=في فتح مكه بالرهاف الصقيلات
رفعهم الله ورفعو راية الدين=ونادى المنادي بالندا فالمنارات
ومن دون قاصر في جميع القبايل=والنعم كاسيهم فعايل وعادات
والختم يالحضار اصلي واسلم=على النبي ازكى سلام وصلوات

المشاركة الأصلية كتبت بواسطة غازي المسعري (المشاركة 681167) صح لسانك يابو راشد ويستاهل الممدوح وفقك ربي

المشاركة الأصلية كتبت بواسطة مبارك بن شافي النتيفات (المشاركة 681173) صح لسانك يابوراشد ويستاهل ابومحمد

المشاركة الأصلية كتبت بواسطة راشد المسعري (المشاركة 681188) صح لسان الشاعر محسن بن صالح السلمي على هذه القصيدة الرائعة ويستاهل رئيس مركز الهمجه الشيخ راشد بن محمد النتيفات وهو أهلاً لذلك وفق الله الجميع لما يحبه الله ويرضاه ،،،،

المشاركة الأصلية كتبت بواسطة فهد المقابله (المشاركة 681219) صح لسانك يابوراشد ولسان الشاعر ويستاهل ابومحمد

المشاركة الأصلية كتبت بواسطة محمد مطلق آل بريك (المشاركة 681456) -------------------------------------------------------------------------------- صح لسانك يابوراشد ويستاهل ابومحمد

المشاركة الأصلية كتبت بواسطة خالد المشاويه (المشاركة 681459) صح لسان الشاعر محسن بن صالح السلمي على هذه القصيدة الرائعة ويستاهل رئيس مركز الهمجه الشيخ راشد بن محمد النتيفات لاهنت يابوشالح ع النقل الرائع جزيل الشكر والتقدير

المشاركة الأصلية كتبت بواسطة النايفه (المشاركة 682829) صح لسااانه ولا هاان بنااانه وسلمت يداك شاعرنا الرائع لهذا النقل المُمَيز