ديني لربي ماتدينت للناس = الناس ماتغفر ذنوبي اليا اذنبت
وانا بشر ذنبٍ من الساس للراس = واستغفر الله كل ما اذنبتنا تبت
بالنفس وسواسٍ وبالقلب هوجاس = والعين تفتن وين ما اصد نوشبت
اعوذ بالمعبود من كل وسواس = خناس لباس الطواغيت والجبت
واستغفر الله عد الانفس والانفاس = يارب غفرانك رجيت وتطلبت
وهب لي بها الدنيا تواصيف الاكياس = نور العقول بظلمة الليل لارتبت
سنة محمد قدوةٍ لي ونبراس = صدقت به وبباقي الناس كذبت
من خالفه خالفت رايه بمقياس = ومن وافقه وافقت رايه وواكبت
الموكب المحمود ولا فالاتعاس = لك يالذي عن موكب الخير جنبت
ياتابع الشيطان والناس الانجاس = وين انت غادي كيف للوقت حسبت ؟؟
بكره على راسك لياطاحت الفاس = ماعاد تنفعك الندامه اليا خبت
العمر سطرٍ تكتبه بين الاقواس = واليا انتهى عن ما احتوى السطر حوسبت
اما وهبت اغلا الجوايز بنوماس = والا على نفسك بنفسك تسببت
جاتك محاذيرٍ يدقن الاجراس = وصديت عنها مانتهضت وتأهبت
لا ياسعك يامطلب الموت مجلاس = عن واجبك ياما وياما تهربت
مالك عن صدوف المقادير حراس = ولو تنحرس عن قدرة الله ماغبت
واليوم لا من زاد عمرك مع الناس=قصر لك المهله وللموت قربت