سعود ينخا وانا انخا والعرب توحي=صرخة ندا للعرب ولقائد الامة
لمبعد الهم والاحزان والشوحي =لك يامليك القلوب ورافع الهمة
انقل ندا من جداه الهم والنوحي =يصفق بكفه عسى الله يفرج لهمه
خالد ورا الباب لامر معزبه يوحي =يرفع بصوته وينخا ابوه قبل امه
والعلم واضح ولا احدا منه مسموحي=ياسيدي سيدي يامبعد الغمة
الله هو اللي يرد النفس والروحي=ثم انت ياسيدي والامر بتمه
والعلم وسط الفضا والصحف مطروحي=دربه صريح ونظيف ونيته قمه
سافر يبيله شهادة يبني صروحي=وماهان منهو نفذ للعلم من كمه
وحاطت به اعداه مكر وغدر ملموحي=اللي على كره دمه تبغي تشمه
مظلوم قلبه من الاحزان مجروحي=في كل يوم يشوف اعداه ملتمه
جلسة ورا جلسة ولاحكام ماتوحي=بالراحة وماعرفنا لدربهم يمة
يا امة الضاد كل خلفه يبوحي=لخالد الدوسري لاتبرد الهمه

المشاركة الأصلية كتبت بواسطة دغش محمد الصخابرة (المشاركة 676777) ابو شالح صح السااانك واعتلى شاااانك وبيض الله وجهك على القصيدة الراااائعه والله يفك اسر خالد الدوسري ويرده للاهله سالما غانم تحيااااااااتي لك

المشاركة الأصلية كتبت بواسطة ابوشافي الدوسري (المشاركة 676796) الله الله صح لسانك مدد وبلا عدد شاعر جزل يابوشالح الله يفرج على خالد الدوسري ويفك اسرة تحياااااااااااااااااااااااااااااااااااتي

المشاركة الأصلية كتبت بواسطة محمد بن سالم الخضراني (المشاركة 676804) لاهنت وصح لسانك يابو شالح وعسى الله يضهر الاخ خالد من اللي هو فيه

المشاركة الأصلية كتبت بواسطة ابو زابن المسعري (المشاركة 676993) صح الله السانك يابو شالح وبيض الله وجهك والله يظهر خالد عاجلا اللهم قر عين والديه به

المشاركة الأصلية كتبت بواسطة محمد مطلق آل بريك (المشاركة 677552) صح لسانك يابو راشد والله يخرجه مما هو فيه تحياتي وتقديري

المشاركة الأصلية كتبت بواسطة فـلاح الشدقاء (المشاركة 677639) ابو شالح صح لسانك وبيض الله وجهك وما دمنا في ظل حكومتنا الرشيده فلن يخيب رجانا وقبائل يـــام معكم يالدواسر قلباً وقالباً ونسأل الله العلى العظيم بمنه وكرمه أن يرجع خالد سالما غانما

المشاركة الأصلية كتبت بواسطة فارس الدبالين (المشاركة 678226) ابوشالح صح الله لسانك يالقرم دائمآ سباق بالعلوم الغانمه لاهنت والله يكون في عون اخونا خالد الدوسري ويضهره مماهو فيه احترامي وتقديري..