|
قصة (المطوع) ابن غصن
هذه قصة قديمة من قصص قبيلة بني هاجر جرت أحداثها على راشد بن غصن الهاجري الملقب بالمطوع , لأنه مشهور بالإصلاح بين الناس ويحب الخير للجميع ومن الرجال الذين موفقهم الله في طاعته وعبادته . كان لراشد زوجة عاش معها حياة سعيدة وكان منسجماً معها, كذلك هي الله موفقها لخدمة زوجها, لكن هكذا الحياه لابد ما يتكدر صفوها فقد توفت زوجته من الله ثم من مرض اصابها , وبعد ان توفت حزن عليها كثيراً تم قال بعض الابيات يقول فيها :
سقا الله زمان زل به خاطري منســــاح = مضى مثـــل حـــلم اللـــيل فـي لذة المنـــام خذتني طواري القلب والسد مني بـــــاح = حــزين وزاد الحـزن مسـراي صوب الزام وجودي وجود مصوبن في الملاقا طـاح = صــويب وخــلى طايـح في لــقاء الخــــدام تولوه مروين الغــلب كاســـبت لمــــداح = يدوســـونه الزلـبات فـي مـسـرحـه مـا قــام على صاحب حزنه بقـلبي وجســمه راح = والى جــيت داره قـــلت ياحــي لـــيل العـام دناه الرحـــــيل وراح منا عســـاه امبــاح = نـــزل فـــي اللحـــد ملبســـينه جـديد الخـام وكان لراشد الهاجري صديق إسمه كليفيخ فعندما سمع قصيدة صديقه راشد رد عليها بابيات يعزيه فيها ويطلب منه الصبر وان هذا شئ مكتوب , وقد حصل لمن قبلنا يقول فيها .
ونين المطوع لح قـلب وهو ملـــحاح = شكا الضيم من جرح المودة ولا يلام تذكر منازل صاحبه لابس المـطواح = دقيق المعنق والسراجيف منه اهضام الا يا لمطوع ترك الـهم والواحــواح = ترى طــارد المقفيـن مــن قبـلنا نــدام وليفك خذاه الموت والموت ما ينزاح = كما الزرع لا منـــه دنا منــه الصــرام بعد وين شمطان اللحا كاسبة الامداح = على الشره شـرهين لهم هيبة وكــرام
|
شكراً لك اخي الكريم على هذا القصه الموئثر وعافاك الله
|
سعد ال بريك
لاهنت يالقرم |
الله يرحمهم برحمته , ويسكن اموات المسلمين في جناته .
لاهنت اخووي سعد على سرد القصه والقصيده . |
ونين المطوع لح قلب وهو ملحـاح = شكا الضيم من جرح المودة ولا يلام تذكر منازل صاحبه لابس المطـواح = دقيق المعنق والسراجيف منه اهضام الشاعر /سعد ال بريك لاهنت على سرد القصه والقصيده وعسا عمرك طويل |
تسلم يمينك يذيب
|
|
|
لاهنت يابن بريك
على ذالسالفه والقصيد والله يعوض المطوع خير ننتظر مشاركاتك تحياتي لك-- |
. . . |
الساعة الآن 12:06 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
