::: مـنتدى قبيلـة الـدواسـر الـرسمي ::: - قصيده الأمير/ فراج بن عبدالله بن نادر في خاله ~

بسم الله الرحمن الرحيم

هذه قصيدة للامير / فراج بن عبد الله بن نادر ال حنيش رحمه الله
الملقب ( دهام المحاجي )

في خاله امير قبيلة ال ناصر الامير البطل/ عبد الله بن سعد بن فراج بن عريمه رحمه الله

عندما كان بالطايف بعد مغازي ضم الحجاز وفتح جده ومعركة الرغامه .

يالله من صدرن تضايق عليـه ..... وعيني الى ياء الليل جاها عناها

كـبدي بها لاهوب شـب عليـه ..... جيت الطــبيب ولا لقــالي دواهـا

لامن بديت الـرجم ذكر عليـه ..... وشتب حجر العين وانهـل ماهــا

ياونتـي ونت اضـعيف نـحيـه ..... يصبر على الوجلا ونفسه وطاهـا

اونت اللي ضاع في المهمهيه .... واخطا من الماء يمته ما اقتداهـا

يالـج قلبي لـج حشـون ظميـه ..... داجت على عد.ن. ولاحدً سقاهـا

ياعبيد اركب وارتحل عيد هيه ..... عمــلية قـطـع الريـادي مناهــا

عمـليــة مامـونـــة صـيعيــره .... اسبـق من الهاجوس لرض بغاها

تسرح من الطايف برد الوصيه..... والعصر من الحره ترابع خطاها

مصفـارها عـقب اسلي بغـدويه ..... عند الضحـا طـراد قدهو وراها

والظهر قد هي في قصور عليه ..... وبلاد عسا غر السحايب سقاها

ديرت هل الناموس لاجات هيه ..... الي على الجيران يقصر خطاها

ملفاك خـالي عيـد هجـن ونيــه ..... وعيد الركاب الي ترقع حفـاهـا

يفرحبه المعتـاز في المعسـريه ..... لاعـاد غيـره عـازته ماقضاهــا

ابشـر الي جيت بشـحم الغذيـه ..... وصحون بر تتعـب الي عباهــا

احــد يعزم اليـوم واحـد قـفيـه ..... واحـد يقول ضـيفتـك قد شـراها

خوالي حمى الفرعه من الجاهليه ..... عز البلاد وسترها من وراها

خــوالي اهــل الصخـا والحميـه ..... اهــل دلال دايــم شرعــاهـا

فيـلا عـمد دارهـم فـاعل الـجنيه ..... يرتع ويامن لاوز في وزاهــا

سـلم علـيهــم عـد وبـل الـرفـيـه ..... وعدة نبات الخد والي رعاها

سـلام احـلا مـن در بـكر خـلـيه ..... لاربعـة لصـوت تبغي نماهـا

فلا من قضيت قد وجه المطيــه ..... خلها تحـدر نصـها منتهاهــا

تسـري وتاطـا المعتـلا بالسـويه .... مصفارها اسمير قد هو وراها

تـلفـي لنـا نـادر حـما الـدوبليـه .... هو قصد مرسولي وغايه مناها

عـيد الـركـاب الي تـسنـا ونيـه .... شاه المربي لا تغـلب شـراهــا

ربعه هل الردات في كـل هيه ... لاغورت الاصوات توحي عزاها

لازارهـم مـن يغـزي غــزيـه ..... يبي ابكار تيهـت فـي هــواهــا

ماعـاد يـرجع لانــو له بنيــه ..... وركايبه عـقب الطـمع ماحماها

سلم وعادك فوق كور المطيه .... على حما الصفرا من للي بغاها

سلام عدة كواكب ليلة خدرسيه .. وعدة حروف الكتب والي قراها

فـو الله لا للـذل يــنقـد عـليــه ..... من غـايه في الصـدر لبدا تنـاها

فحلفتنا مادامـت الـنفس حـيـه ... لاخطي ولااطيق الخطا من سواها

الاخـطـا واحـد مـل الـدنـيــه ... اشــوم مـن داره ونـلــقا ســواهــا

فالرزق عند الي يمشي الرفيه ..... الخلق خلقه والمرازق عطاهـا

هــذي وصـلى الله عــلى نبيــه ..... ماهبت العليا وبنـا في ذراهــا

قام بجمع القصيده وترتيبها:

عبدالله بن عبدالرحمن بن جوبان الوداعين
عايض بن ذيب بن عريمه الوداعين
محمد بن فيصل بن عريمه الوداعين