اجي على موعد غلا واشيل في جنبي وصاه=لاغبت انا والا انت مرسول الحبايب لايغيب
مالي على البعد احتمال ولا عن الجيّه غناه=اقرب وأجي وانت البعيد وما تباعدته قريب
انا الذي نادى على صوتك وفي صدره لقاه=يوحيه ماتوحيه سماعة على صدر الطبيب
يزهمك مابين الملا دوك الغلا واللي عطاه=واليا زهمتك زاهم روحي وفي حروى مجيب
ياغايته , يا أول بداياااات الطريق ومنتهاه=ياللي عليه العين تكنى دمعها حتى تشيب
وين انت ؟ بعدك حالي البعد وجفا بعدك وطاه=وانا أحسب أن الشوق مايفرق حبيب عن حبيب
ان كان في قلبك زعل ! ازعلت قلبي في رضاه=حتى نصيب من الرضا جانب وفي رجوى نصيب
وان كان غيّرك الزمان ومستواك ومستواه=جعل الذي ودّا ودادي - منك - ودّا , مايجيب
اقولها وانا الذي نادى جنابك واحتراه=من جا يجي في حلته والي تناسانا يغيب

المشاركة الأصلية كتبت بواسطة فهد المقابله (المشاركة 663681) لنا الشرف والله يحييك صح لسان على هذه الدره

المشاركة الأصلية كتبت بواسطة شافي بن راشد النتيفات (المشاركة 663689) ارحب ياماجد والله يحييك من حيث سرت الين جيت ومصافحة ملفته من البداية صح لسانك ملاييييييين وان شاء الله نتمنى لك اقامة سعيدة بين اخوانك

المشاركة الأصلية كتبت بواسطة حسن بن بطحيّه الودعاني (المشاركة 664146) ارحب يالروقي مبدع والله بيض الله وجهك وصح منطوقك دمت بخير..

المشاركة الأصلية كتبت بواسطة عبدالله المصارير (المشاركة 664158) أرحب ياماجد في محلك , وصح لسانك وبانتظار جديدك

المشاركة الأصلية كتبت بواسطة ابوشافي الدوسري (المشاركة 664165) ماجد الروقي الله يحييك في محلك ويشرفنا تواجدك معنا وصح لسانك على هذه الراااااائعة شاعر جزل يالروقي تحياتي وتقديري