ياراكب اللي ليامن جيت بعدد = صفاته احتار ويش آخذ وش اخلي
صنعة زعيم الكفر من راسه محدد= ماكان يحتاجله ومشيكه فلي
في فزته جاني ن من قومه مهدد=لولى ردا الحظ والنكبات ماجلي
في وقفته مثل شيخ خلفه يردد=مليون والفين مسلم خلفه يصلي
اقطم رصاصي قصير ولونه معقد=بين الرصاصي وبين الورد والفلي
جي امس يوكون وفحصه توه مجدد=تصميم ميزاته سعودي ومتعلي
اليانطحته مثل صاروخ مسدد=تقول كن بينه وبين الوطا ملي
والياقفيته ماتدري رايح معود=كن فوق نور اسطبه لامن هدا طلي
على الخطوط الطويله عاش متعود=واليوم سقته لشيخ يطرب الكلي
لدار عبدالعزيز القرم ماردد=لانه كريم ومواقيفه تبينلي
ولانه حكيم من اهل العرف متمجد=ولانه وفي من اهل الطيب متحلي
ولانه يحل الحبل لاصار متعقد=ولانه على قمة الامجاد قد حلي
اكيد لانه على الامداح متعود=ابن الحسين الذي للمدح متولي
من لاد ودعان قوم مجدهم يمجد=اهل الثمان السوالف دوم عزلي
ومدين جار لهم من بيته المنهد=وعز الخوي يوم بان الضيق ماخلي
صفاتهم تعجز اللي يكتب ويسرد=مدري ويش آخذ ولا ادري ويش اباخلي

لـدار عبدالعزيـز الـقـرم مــاردد..لانـه كـريـم ومواقيـفـه تبينـلـي ولانه حكيم من اهـل العـرف متمجـد...ولانه وفي من اهـل الطيـب متحلـي ولانـه يحـل الحبـل لاصـار متعقـد....ولانه على قمـة الامجـاد قـد حلـي

المشاركة الأصلية كتبت بواسطة راشد المسعري (المشاركة 663226) الله الله يابو شالح صح لسانك وسلم فكرك ما أجمل المدح إذا قيل في أهله وابو محمد قليل ماقلت في حقه رجل كفء يتحلى بالدين والخلق الطيّب والمعرفة وكثر الله من امثاله ،ولاهنت على الأبيات الجزله تقبل ودي وتقديري،،،،

المشاركة الأصلية كتبت بواسطة فهد المقابله (المشاركة 663232) صح لسانك يابو شالح ويستاهل الشيخ عبدالعزيز تحياتي وتقديري

المشاركة الأصلية كتبت بواسطة ابوشافي الدوسري (المشاركة 663237) صح لسانك يابوشالح على هذه الرااائعة ويستاهل الشيخ عبدالعزيز الودعاني ماقيل فيه من المدح تحياااااااااااااااااااااااااااااااااااااااااااااتي وتقديري لشخصك الكريم

المشاركة الأصلية كتبت بواسطة خالد المشاويه (المشاركة 663271) صح السانك يابوشالح مدد بليا عدد شاعر مبدع من كريم لمستحق لاهنت جزيل الشكر والتقدير

المشاركة الأصلية كتبت بواسطة محمد.الودعاني (المشاركة 663287) صح لسانك يابو شالح ويستاهل الشيخ عبدالعزيز تحياتي وتقديري