::: مـنتدى قبيلـة الـدواسـر الـرسمي ::: - الشاعر مطلق بن حنش آل بريك

- :: قسم الـشعر العــام :: (http://alduwaser.org/vb/forumdisplay.php?f=16)

- - الشاعر مطلق بن حنش آل بريك (http://alduwaser.org/vb/showthread.php?t=56929)

الشاعر مطلق بن حنش آل بريك

قصـــــــــيدة للشـــــــــــــاعر /مطلق حنش ال بريك الدوسري

هـــاضني براق ليل شمالٍ وامطـــــــرى=هاضني وابديت أنا من جزيلات الكـــــــــــــلام

هاضني ليته يحدر خشــــم القــــــــــــرى=ويتحدر لين يسقي مـــداهيل الـجهـــــــــــــــام

لين تشبع كل ملحٍ تسر وتجهـــــــــرى=فالخزامى.. والنفل.. والزبيدي.. والقـــصــــــــــــــام

لج.. قلبي لج.. ذودٍ.. يساق ويقهـــــــــرى=يـقهره راعـيه ..وزداد.. دَ قــــه.. فـــــــــــــــالزحام

وحن قلبي حـــــن.. سقسٍ.. بحمله يجبرى=زودو حـــمله ..وراعـــيه.. نـصـــــــــــــــاه العــدام

وحن قلبي .. حن.. شاص.. مع الشقة سرى=حـــــملته ســتـين صندوق مـرصــوصة تـمـام

وزوع قلبي.. زوع.. ميراج.. سربٍ.. يـــومــرى=زاعها منهو خذا فــالــمعارك لـــــــــــــه وسام

وياوجـــودي كل مااليل قرب واغـــدرى=تـقبل هــمومي لمنه كــسى لـــــــــــــيلي ظـــلام

حايرٍ محـتار والباب دونه عسكـــــرى=وان طـلبته حاجــــةٍ قال لي: حســـــــب النـــــــــــظام

فيا رشيد القـــــرم يامسندي وانت الذرى= كـــــــــان ماجـا منك فزعة فانا حالي حــــــطام

ومن نشدني قلت مبسوط والرب اخبرى=مامعي غير المجامل وضحـــــــــــــكٍ وابتسام

فقصتي قصة رفيع تقال وتــــــــــنشرى =وفــــــــــــعــلنا فعــلٍ جــمـيل وخــلق الله قــيام

فماحلا عقب السجن جيكم فالمخضرى=جيكم يادرع جنبي وعـــــضــــــدي والـحزام