|
تعالوا .. القصيدة كلها عيوب !
السلام عليكم ورحمة الله وبركاته ..
من احلى القصايد اللي قريتها قصيده كلها عيوب ! .. اخليكم مع الابيات : عيبك انـك بالقصايـد توصفيـن كل فكره لا طريتـي لـي غـزل عيبك انك مـن جمالـك تشتميـن لعنبو حيـك / وجـدك / والنسـل عيبـك انـك لانويتـي تسحريـن تامرين الرمش ويعقـد لـه عمـل عيبك انـك ماتصومـي تفطريـن هو يصوم اللي طعم ريقه عسل؟؟!! عيبك انـك لنحـل مـا ترحميـن كل ورد(ن) من شذا خـدك ذبـل عيبـك انـك لابكيتـي تذرفيـن فوق خدك دمـع يجـرح لا همـل عيبك انـك لا مشطتـي تاقفيـن شعرك اللي حـد رجلينـك نـزل عيبـك انـك ياغناتـي تسكريـن شفتك خمر(ن) ومن ذاقـه سطـل عيبك انك لانقطع كهـرب تجيـن تكشفيـن السـاق ينـور مـا أفـل عيبـك انـك لا وقفتـي تشبهيـن راية(ن)بيضاء علـى قمـة جبـل عيبك انك فـي جلالـك تجلسيـن مثل شيخ(ن) في حكم شرعه عـدل عيبك انـك لاكشختـي تكشخيـن فيك تفخر أنفـس واغلـى الحلـل عيبـك انـك مابزينـك اربعيـن لا بالآرض ولا على كوكب زحل عيبك انك مـن حلاتـك تخجٍليـن استحى الشيطان يغويـك و رحـل عيبـك انـك ماهقيتـك تخطبيـن كل رجال(ن) مـن الهيبـه جفـل وعيبي اني احسـد الجـن القريـن وآتمنـى لـو يبادلـنـي بــدل وعيبي اني يوم اشوفك ترقصيـن اقسم اللـي ماخـذا مثلـك خبـل .. منقول ولا اعرف من هو الشاعر مع تعديل مني في آخر بيت لان النقل الاساسي آخر شطر في آخر بيت يقول اقسم اللي ما خذا مثلك صمل عندي المعنى اوضح لو قلنا بدال صمل .. خبل ! لكم تحيتي .. |
أشكرك علئ االقصيدة وماقصرت أخوي ويعطيك العافية
وتقبل تحيات محبكـــ الشكري001 وفي امان الله |
شكرا لك بصراحه قصيده رااائعه
|
يا هلا والله بكل اللي ردوا
الاروع مروركم شكرا لكم على التعليق اللي اسعدني لكم مني اجمل تحيه |
الغــزل
ثـامـر البـدرانـي
قصيــده غزليــه في قمــه الجمــال , لاهنـت على النقـل , بنتظـار جـديـدك المميـز. |
الشاعر والناقل المميز : ثـامـر البـدرانـي سلمت يمينك يالقرم على النقل المميز قصيــده غزليــه في قمــه الجمــال , لاهنـت على النقـل , بنتظـار جـديـدك المميـز محب الجميع : دغش البطي |
|
[
شكرا ع النقل لكن عندي بعض الملاحظات ع القصيدة لكن قد اكون مخطئ: عيبـك انـك لا وقفتـي تشبهيـن راية(ن)بيضاء علـى قمـة جبـل (في وجهة نظري القاصرة أن الراية البيضاء لاتستخدم للمدح بل للذم لأنها راية ضعف واستسلام والوصف هنا يراد به العزة فلو قال فارسٍ معروف في خطبٍ جلل) عيبك انك مـن حلاتـك تخجٍليـن استحى الشيطان يغويـك و رحـل (البيت فيه ضعف معنى ) عيبـك انـك ماهقيتـك تخطبيـن كل رجال(ن) مـن الهيبـه جفـل (الهيبة من صفت الرجال وليست من صفة النساء والمرأة إذا كانت لها مهابة عند الرجال فهي مسترجلة وهي صفة نقص) والقصيدة عموماً جيدة في بعض ابياتها الاولى لكن فيها ضعف من ناحية المعنى والروح للقصيدة فعندما تقرأ بعض الأبيات تجد ان الذي اجبر الشاعر عليه هو القافية000والسلام السلام عليكم ورحمة الله وبركاته |
وجد الله يجزاك خير
القصيده روعه وقمه في الروعه تبيه يوصف الحرمه انها فارس مغوار الله يفتح على قلبك وعقلك |
طيب الخلاف لايفسد في الود قضية الله يسامحك على سياسة إما معنا او ضدنا،،أنا قلت رأي قد يكون كله خطا ولكن ماهكذا تورد الإبل ياكهف المغاريب
|
رد: تعالوا .. القصيدة كلها عيوب !
قصيدة رائعة...
مشكور يا ولد عمي... |
رد: تعالوا .. القصيدة كلها عيوب !
عيبك انك فـي جلالـك تجلسيـن
مثل شيخ(ن) في حكم شرعه عـدل الله يعطيك العافية |
الساعة الآن 02:12 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
