ما بعد ذا الردف والخصرالمدور
والنهود اللي مثل تفاح شامي


لامشت لاكنها الرنج المطــــور
عيطموس ماخلق فيها عظامي


كن بعضها من بعضها بيتـعـــور
تقصر الخطوة على دقت ميامي


صدرها من نور خالقها منور
ماتخفيه العباية واللثامي


كل مافيها يصور ما يصور
شمعتن من ليزرات احدث نظامي


ترفض التزوير واكثرها مزور
كذبها اقوى من دفاع اكبر محامي


ودي اكشف كل حاجه واتجور
اي جيره بالحلال وبالحرامي


اسمحيلي داخل الحد المسور
متر زايد متر من حد الحزامي


من برك في وصفها ماعاد ثوّر
ويش ياصف فالجلوس وفالمقامي


الشور لا لمسها منها تشور
يقبل القسمه ويرفض الانقسامي


الشاعر/حمود بن عبيد بن ال بريك