::: مـنتدى قبيلـة الـدواسـر الـرسمي ::: - الاهداء للأخ العزيز/ ابراهيم عبدالله الشتوي

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

الاهداء للأخ العزيز/ ابراهيم عبدالله الشتوي

اتقدم عبر منتدى قبيلة الدواسر بالشكر الجزيل للشيخ/ابراهيم بن عبدالله الشتوي والذي يعد احد رموز قبيلة الدواسر داخل وخارج منطقة القصيم وذلك لما يقوم به من ربط اواصل المحبه والاخاء بين ابناء عمومته باقامة اللقائات والاجتماعات فله مناخالص الشكر والتقدير والشكر موصول لجميع القائمين على هذا المنتدى .
ويسرني ان اهدي لأخي ابو عبدالله هذه الابيات اخوك /ابراهيم محمد الشمسان (العبدون)

(الله يبيض وجه)

يــالله يـاعـالـم خفـا كـل مـا قيـــل *** يـالواحـد المعبود فضـلك علينـــا

ابمــدح اللـي بالثنـا لـه مـداخيـــل *** راع الكرم والطيب في كل حينـا

دواسـرٍ ما ضـامهـم كايـد الشيــل *** اهــل المراجــل كلهــم غانمينـــا

الله يبيض وجـه قــرم الرجاجيــل ***"ابراهيم بن شتوي"ذرا الطيبينا

له عادتٍ بالطيب كسب المجاميـل *** قـدر كبيـر السـن والحاضرينــا

ما قدم المعروف لاجل المحاصيل *** ولا يـرتجـي رد الثنـا لـو بغينــا

الهـرج ما يثنـي عزوم الحلاحيــل *** لاشك ابذكر كاسب الطيب فينــا

وختامهــا منـي سـلامٍ كمـا السيـل *** من قلب ابن شمسـان للسامعينـا

وصـلات ربي عـد ماحـط مـا شيـل *** علـى محمـد المبعوث للعـالمينـا

مـع تحيـات اخـوك / ابراهيـم محمـد الشمسـان (العبـدون)