|
يا مسلسل تركي علينا تدبلجت..ما يعدل المنعاج من كان منعاج
في مدرسة بندر درست وتخرجت .. .. .. .. .. .. .. .. يعني تغيب ابراج وتشيد ابراج .. يا شعري اللي فـ الحنايا تحشرجت .. .. .. .. .. .. .. ..فج الحنايا وانهمر مثل الامواج .. يا موج وصلك كسر لكن تثججت .. .. .. .. .. .. .. .. من سجدت الساجد ومن توبة الحاج .. ياما على كبتك وضيمك تخارجت .. .. .. .. .. .. .. .. وأكتب على الموضوع منعاً للأحراج .. وانا نجم لكن مهما توهجت .. .. .. .. .. .. .. ..قرب القمر خلاه للعالم سراج .. وأنا كبر أكبر قطر يا اللي تحججت .. .. .. .. .. .. .. ..بمقارن الاحجام والحق فلاج .. يا مسلسل تركي علينا تدبلجت .. .. .. .. .. .. .. ..ما يعدل المنعاج من كان منعاج .. دامك من ادمان الكرامه تعالجت .. .. .. .. .. .. .. ..انا كذا مرتاح ما بقالي علاج .. الناس ما تحفظ مقامي ليا احتجت .. .. .. .. .. .. .. ..وانا لغير الله مانيب محتاج .. شمت وتركت لك المساحة وخرجت .. .. .. .. .. .. .. ..ضحكاتك الصفراء على كل هلباج .. وظهرت على منبر هل الشعر واسرجت .. .. .. .. .. .. .. .. خيل الهجوس اللي لها الصيت ضجاج .. وارخيت مسمار الصناديق وافرجت .. .. .. .. .. .. .. ..عن دانةٍ من دونها قفل وسياج .. سل لابةٍ نهابةٍ خير ما انتجت .. .. .. .. .. .. .. ..مصيوغةٍ محبوكةٍ تبهج ابهاج .. ياللي بنورك للقوافي تبلجت .. .. .. .. .. .. .. ..ذود القوافي جاك باطح وهجاج .. وعلى البكار اللي عليها تفرجت .. .. .. .. .. .. .. ..وسمي وانا نايف على كل الانتاج .. فـ ان كان فيها عيب طبت وحرجت .. .. .. .. .. .. .. ..وانفقت قيمتها على هيم الافواج .. وإن كانها الاولى على كثر ما دجت .. .. .. .. .. .. .. ..فـ احرص على البلها ترى ذكرها راج .. كتبت شيءٍ بالخفوق وتدرجت .. .. .. .. .. .. .. ..من زواية ظلماء ليا نور وهاج .. وانا اشعر اني عقب قولي تتوجت .. .. .. .. .. .. .. .. يعني ملكت الجوخ والعرش والتاج .. وريحة فكري مع ضميري وعرجت .. .. .. .. .. .. .. ..للي قصايدهم حبيسات الادراج .. لأبوظبي هات القصايد إليا احتجت .. .. .. .. .. .. .. .. تحفظ مقام اللول والماس والعاج .. الله الله يابن عرويل |
رد: يا مسلسل تركي علينا تدبلجت..ما يعدل المنعاج من كان منعاج
صح لسان الشاعر / نايف بن عرويل
سلت يمينك وبيض الله وجهك يأبو فهد على مانقلت تحياتي وتقديري ~~ |
رد: يا مسلسل تركي علينا تدبلجت..ما يعدل المنعاج من كان منعاج
ناصر بن فهد
دائما مبدع ، دائما مميز ، دائما متألق الله لايهينك على النقل المميز واهنيك على الذائقه الشعريه الراااائعه صح لسان نايف بن عرويل دمت ودام لنا قلمك |
رد: يا مسلسل تركي علينا تدبلجت..ما يعدل المنعاج من كان منعاج
صح لسان شآعرها
تسلمين على النقل الرائع الله يعطيك العافية |
رد: يا مسلسل تركي علينا تدبلجت..ما يعدل المنعاج من كان منعاج
|
رد: يا مسلسل تركي علينا تدبلجت..ما يعدل المنعاج من كان منعاج
صح بدنك يـ النداوي ولاهنت يالقرم على تواجدك , وبيض الله وجهك |
رد: يا مسلسل تركي علينا تدبلجت..ما يعدل المنعاج من كان منعاج
أبوشافي الدوسري دائما تشع نوراً عندما تحضر لنا / لله درك ياالغالي , ولاهنت على الرد الوافي . |
رد: يا مسلسل تركي علينا تدبلجت..ما يعدل المنعاج من كان منعاج
اقتباس:
غاده بنت ناصر صح لسانتس مير غلطتي يوم قلتي " تسلمين " وانا نكي واضح :) امم لكن معذوره ؛ يمكن مستعجله وزودتي النون والياء . والله يعافيك على كل حال . |
رد: يا مسلسل تركي علينا تدبلجت..ما يعدل المنعاج من كان منعاج
مبدع ياناصر كما هي العاده في ذوقك الرفيع في انتقاء المواضيع الرائعه خالص تقدير لشخصك |
رد: يا مسلسل تركي علينا تدبلجت..ما يعدل المنعاج من كان منعاج
خميس الغييثي صح بدنك وأشكرك على تواجدك في الموضوع الذي إناره ولاهنت |
رد: يا مسلسل تركي علينا تدبلجت..ما يعدل المنعاج من كان منعاج
سـ ع ـد
لاهنت على المرور وبيض الله وجهك |
الساعة الآن 07:33 PM
 |
Powered by vBulletin® Copyright ©2000 - 2025, Jelsoft Enterprises Ltd.
---