بري حالي كيف بأدله وبنسا يالهنوف=ماجرالي معك واللي جرى ماينسا
كل مايممت وجهي على خط الهفوف=اتخيل صورتك بين لوحات الحسا
اشهدان الله بلاني على صعب الضروف=في محبة جادل بأجمل الملح اكتسا
من دلعها اترقق الصوت وتمط الحروف=كل ماقالت الوووه ذابت حروف القسا
والله اني معرض قبل عيني له تشوف=واتجنب كل درب يودي للنسا
لين طحة وطيحتي عند فاتنة الوصوف=طيحة ماهيب طيحة غرابيل وأسا
من عطاني لذة الحب في صفحة قطوف=ماجزاه الا فروض الولاء صبح ومسا
والله ان ارد على العد وصفوفه وقوف=ماردعني دونه الخوف والذيب ايخسا
لاذكرت المبسم اللي مثل برق السيوف=سقتها للموت من غير لاعل وعسا
من غلاه يقودني بالهوى له خيط صوف=واتلبب له على كل طبع لاارمسا
ودي اجاريه واكسب هوى العذب التروف=وادفع المركب على يمة فيها رسا