|
دواسر من فعلهم يشبع الطير
ترى طرات الروح شوف المصاغير متخالف فيــه النفـــل والنـواويرفي مرتع راعي الغنم مامشابه ريح الخزامى عطر الجو تعطيرماله ثلاث ايام جليت ســحابه تدله به ازيان البكار المـــغاتيردكان عطـــــــار اللى فك بابه وشوف الرجال وفزة بالمساييرلا شافها الرجال ينسى شبابه ومجلس نشاما مايجيه المعيثيرغير الشحم يلقى المسير لبابه وممشى مع ربعي على العز والخيروسوالف فيها الحــلا والذرابه دواسر من فعلهم يشبع الطيرواللى يبونه ما نحسب حسابه وكل على حقه ولا فيه تقصيريوم الفراسه والغزو والحرابه واليوم في حكم الملوك المناعيروكل على جسمه يفصـــل ثيابه وصلاة ربي عدما غرد الطيـــرحكم العدل ماهوب حكم العصابه على نبي ٍ ما غوى في شبابه الشاعر : ناصر بن عبدالله الشكره الدوسري |
رد: دواسر من فعلهم يشبع الطير
صح لسانك واعتلا شانك يا ناصر
وبيض الله وجهك على القصيدة الرائعة |
رد: دواسر من فعلهم يشبع الطير
صح لسانك وبيض اللع وجهك قصيدة جزلة من شاعر جزل
|
رد: دواسر من فعلهم يشبع الطير
صح السانك وعلا شانك اخوي ناصر
ابيض وجه طيبة من طيبين تحياتي |
رد: دواسر من فعلهم يشبع الطير
|
رد: دواسر من فعلهم يشبع الطير
مرحبااا بشاعرنا الجديد والمبدع بماهو جديد
وممشى مع ربعي على العز والخير واللى يبونه ما نحسب حسابه دواسر من فعلهم يشبع الطير يوم الفراسه والغزو والحرابه وكل على حقه ولا فيه تقصير وكل على جسمه يفصـــل ثيابه صح الله لساااااااانك ياناصر مدد وبلا عدد وعزالله إنك جزل ويقدح قصيدك بالجزالة يالقرم(ماشاءالله عليك) ولوأستوقفني وصفك للمدح ويشهدالله ادري ماقصدك تصغير او تقليل شان لانهم ربعك وربعي وانا اخوووك تشبع الطير جزلة المفردة فالقصيدة لكنها للمعنى غير وافية كمدح.. فالطير يشبعه القليل وانا اخووووووك.. شاعر وجزل ويمكن افضل مني ياناصر لكن ينصح من حب ولو ما اعجبت فقصيدك وفي جزالتك لمريت لمجرد المرور لكن يطربني ماتكتبه يابوعبدالله وتقبل نصحي ومروري المتواضع برحاااااااااااابة صدرك الكريييييييم ياناصر.. وعسى الله يوفقك لما تحب ويرضيه سبحانه شاعر مافيك حيله وجزل مافيها كلام... عسى الله يسعد ايااااامك كما اسعدتني بقراءة الجزالة .. |
رد: دواسر من فعلهم يشبع الطير
صح السانك اخوي ناصر وبيض الله وجهك على هالرائعه
ولاتحرمنا من جديدك خاصه قصايد البر والطبيعه والربيع |
رد: دواسر من فعلهم يشبع الطير
صح السانك مليون وبيض الله وجهك
|
رد: دواسر من فعلهم يشبع الطير
اقتباس:
واشكرك على شعورك الطيب |
رد: دواسر من فعلهم يشبع الطير
اقتباس:
وهذي شهاده افتخر فيها |
رد: دواسر من فعلهم يشبع الطير
اقتباس:
ولا عليك زود |
رد: دواسر من فعلهم يشبع الطير
اقتباس:
صح الله بدنك ياابن ثاقب وهذي شهاده افتخر فيها |
رد: دواسر من فعلهم يشبع الطير
اقتباس:
واشكرك على النصيحه ومشكور وماقصرت ويعطيك العافيه |
رد: دواسر من فعلهم يشبع الطير
اقتباس:
صح بدنك وابشر باللي يرضيك |
رد: دواسر من فعلهم يشبع الطير
|
الساعة الآن 09:39 AM
 |
Powered by vBulletin® Copyright ©2000 - 2025, Jelsoft Enterprises Ltd.
---