::: مـنتدى قبيلـة الـدواسـر الـرسمي ::: - قصيده الشاعر ماجد بن حسن ال ناهش

يالله يالمطلـوب ياغافـر الزلّـه=ربنا الفرد الصمد مالـه نـدادي
هاض مابي قول من كبده مغلّـه=عرم ولد العرم من خلق جـادي
ينصح الدربيك واللي رفيق ٍ لـه=ويتهدد ديرتـي فرعـة الـوادي
رايـح لسعيّـد ٍ بالخبـر قـلّـه=لانهق عير ٍ فعندي لـه قيـادي
عندنا البلجيك والما وحـزوٍ لـه=والرجال اللي على الحرب تزدادي
جدنا الملطـوم وانـا عيـال لـه=من حربنا ماهنى عينه ارقـادي
من قعد منا عسى النار مثوى له=حرمته تلبس على موته احـدادي
ابن الغديراء طايح ٍ ماحد ٍ شلّـه=ودبروا عنه الشيابيـن شـرّادي
وابن جهز ماعاد لقوا علاج ٍ لـه=ذكروهم لابتـي وقـع الأجـدادي
تشهد الظيرين باللي جرى كلـه=والمواتر وسطها النـار وقّـادي
والعتيبي زاد مـع علّتـه علّـه=والجروح المرمسه زادت اجدادي
من قديم والمنيعـي انحـاز لـه=حامين الحدان من وقت الأجدادي
والعدو وان شافهم بطنـه يحلّـه=دايم في خوف وهموم وانكـادي
فالحـذر يالعـرم تنويكـم الذلـه=ينثنـي قـول التهـدد تسيـادي

وقال شاعر ال عريمه بن خلف

قال منهو يبدع القاف طرب له=زين بدع القاف لاصار في قادي
المنيعي صب له صافي الدله=حقه البيضا على روس الاشهادي
حل في الظيرين يوما على حله=يوم جاء جمع الشيابين منقادي
ضربهم روس الرياجيل مازله=ذا طريح وذا يدور له منادي
والعتيبي غاويا ماحدا دله=غرته نفسه يبي فرعة الوادي
من بغا الفرعه يبيها مكان له=عندنا البارود للي يجي عادي