يوم كنـت( صغيّّـر ) يقولـون جنّـي
 

يوم كنـت( صغيّّـر ) يقولـون جنّـي
ماخبر واحـد علـى امـي ماشكانـي
كنـت مـوذي والـوذا مخلـوق منـي
كنـت اشقـا طفـل مولـود بزمانـي
اتشـخـص ب( الطقـيّـه) ياعنـنّـي
صرت اغازل واعرف اسلوب الغوانـي
كـل بنـات الحـارة كانـن يعشقنـي
ابتسام..وهنـد... واحلام....وتهـانـي
من قبل لااقـول .. طيـري.! يلحقنـي
ويحبسني مـن قبـل لااصـل مكانـي
كنت بـ(الحاره) من الطيـش احسبنـي
سندبـاد اللـي عـرف سّـر الموانـي
كنت أوسوس بالشعر من صغـر سنـي
والمس جروحي علـى شانـه واعانـي
لين في مّره .. وانـا ماشـي واغنـي
رايح لدكّان .. (عدنـان اليمانـي ) ..
مرني خنجـر غـلا عشـق وطعنـي
جايني من وين ؟ مدري بس .. جانـي
وش تبون بقصتي .. ؟يخرب مطني ..
ما ضحـك غيـري علـيّ ولا بكانـي
اسمعـوا بـوح الحنيـن اللـي سكنـي
واعذرونـي لا خـذل حرفـي لسانـي
لا تعّـدون السهـام الـلـي رمـنـي
وتسأللوني وش كثـر عـوج المحانـي
احسبونـي طفـل محـتـاج لتبـنـي
عن حسدهـم حافـظ السبـع المثانـي
وازرعونـي بالعيـون اللـي جفـنـي
واقطفوني من علـى خضـر المعانـي
اطعنوا صـدر اليقيـن بسيـف ضنـي
واشربونـي دمّ لـو جرحـه نسـانـي
و اسمحوا لي بين( قوسيـن ) التجنـي
آخـذ المجنـي عليـه بذنـب جانـي.
أه منـه . وآه منكـم. وآ آ آه مـنـي
من نبش فيكم ورى الصمت وحكانـي.؟
ايه امـوت بدونهـا .. وأحيـا كأنـي
عايش بدوني . ! غياب انسان ثانـي .
والله انّـه بالوهـم يــوم يحضـنـي
طيفه يصّدق . ! وانا اذوووب بحنانـي
أكذب الصدفـه واصدقهـا !.. واهنـي
واجرح الساعه . لاجل خاطر ثواني ..!
اسألـوا بنهـايـة المـشـوار فـنـي
من وشم جرحي على صدر الاغانـي.؟
وعلمونـي وش يقـول الشعـر عنـي
هو أخذ من حسرتـي.؟ والا عطانـي
وبلغـوه انـي تعبـت مـن التمـنـي
ولا لقيت اريـح مـن احـلام الأمانـي
وصدقونـي موغـرور ان قلـت انـي
ماأنكتـب بيـت بقصيـد الاعشانـي.
وسامحونـي بـس هالـمّـره لانــي
طحت من عقلـي علـى قمـة جنانـي

رد: يوم كنـت( صغيّّـر ) يقولـون جنّـي
 

رد: يوم كنـت( صغيّّـر ) يقولـون جنّـي
 

ههههههههههههههههههههاي الله يرجك يا ابو بدر
يعني الغييثات ما يجيبون طاري السكن .. فديتهم والله :$:$
المهم صح لسانك وصح لسان شاعرها
ولاهنت يا ابوفهد على القصيده الرآئعهُ

رد: يوم كنـت( صغيّّـر ) يقولـون جنّـي
 

الله يرجك يابو بدر هههههههههههههه

بعضهم بس مو كلهم خخخخخخ

الله يعطيك العافيه على المرور

تحياااااااااااااتي لك

رد: يوم كنـت( صغيّّـر ) يقولـون جنّـي
 

ناااااااااصر

فداك اللاش ولاهنت على المرور

تحياااااااااااااااتي لك

رد: يوم كنـت( صغيّّـر ) يقولـون جنّـي
 

لا تعّـدون السهـام الـلـي رمـنـي
وتسأللوني وش كثـر عـوج المحانـي


ههههههههه قصيدة دمها خفيف مررره

الف شكر اضحك الله سنك

وصح الله لسانك ولسان قايلها

عاطر تحاياي~

رد: يوم كنـت( صغيّّـر ) يقولـون جنّـي
 

شيهانه

دوم هالضحكه واشكرك على المرور

تحياااااااااتي لك

رد: يوم كنـت( صغيّّـر ) يقولـون جنّـي
 

صح الله السانك والساااان قايلها وتسلم يمنااااك على الطرح الراائع

رد: يوم كنـت( صغيّّـر ) يقولـون جنّـي
 

صح بدنك يالهاجري

ولاهنت على المرور الذي اسعدني

تحيااااااااااااااتي لك

رد: يوم كنـت( صغيّّـر ) يقولـون جنّـي
 

رد: يوم كنـت( صغيّّـر ) يقولـون جنّـي
 

خياليه

اهم شي انها اعجبتك

واشكرك على مرورك الذي اسعدني

تحيااااااااااااااااتي لك

رد: يوم كنـت( صغيّّـر ) يقولـون جنّـي
 

رد: يوم كنـت( صغيّّـر ) يقولـون جنّـي