البارحة يارشيد والراس مصفوق=عيّـت عليه الروح قام وصفقها
من لايعن في داخله تلّها فوق=ودبّل عليها باللوايع حرقها
ومن عبرة" بأسبابها كان مخنوق=ثم هلّها فالروح غصبوخنقها
إليين منه الروح شلّت بطاروق=وجرّت لحونن من سبايب رهقها
وجارت على اللي مالحق فيه مخلوق=اللي على الطولات دربه عشقها
اللي كلامه فيه الامثال منطوق=واللي حسبها قْبْل لاهو نطقها
من لابة" بين العرب عزها يفوق=كلام شاعر,, وإن وصف مالحقها
نسل اللذي لا من غزى يجلب النوق=الغيهباني ,, وكم مصيبه صعقها
في سيرته عدلن كما عدل فاروق=في بطشته كم روح سيفه زهقها
آل مرّة لا من المصايب على شدوق=إتصبها بفنجال وترخي شدقها
قبيلتن لاجا ضحى الهيّه إتّووق=لأرقاب فوق أجساد,,وسيفن فهقها
إن قلت مهما قلت مآوفيتنا حقوق=قبلي تعب تاريخها ما وثقها
من نسلها قرمن لآجل قدره آسوق=أبيات مسجونة وفكري عتقها
يارشيد آبهديلك مفاتيح صندوق=صندوق فيه أسرار وهمي طلقها
بآشكي لك فنوفن له القلب محروق=يوم أكذبت فالحب وقلبي صدقها
ماقصدها تجرح ..تسلى بس بذوق=ماتدري بحر العشق ينوي غرقها
فيها الخجل كنّْه بدايات وشروق=هبايب" تسعى تقلّد شهقها
بسمت ثغرها فالسما كنّها بروق=خدن كما الغساق ضاع!! وشرقها
وتصدق أول رشفتن لي وانا آذوق=قلت النحل يآما الشفايف سرقها
سبحان رب" خالقن كلّ مخلوق=سبحانه اللي فالعذارى فرقها
من شافها في لحتظته تمّ معشوق=وليته خفوقه بالصراحة لفقها
خوفي المطوّع لوْهي عدّت على السوق=وعوّد على اللحية بموس وحلقها
وش عاد قلّي يابوهادي مع الشوق=حتيش وأشواق المحبين صقّها
ويارشيد ماحدن فالمعاليق موهوق=ولاعز فجروحن صبرت بوهقها
وإن جت على الهَـامّة فلانيب مسبوق=كم لاهيّ" جرّب ولاهو سبقها
ياكمّ دهاني في نحى الدرب مطفوق=يقول طاوعني!! وأنا أقول سقها
ورأسي سلّم يارشيد ما بات مصفوق=عقب الغصون اللي تساقط ورقها

بآشكي لك فنوفن له القلـب محـروق=يوم أكذبـت فالحـب وقلبـي صدقهـا

المشاركة الأصلية كتبت بواسطة خميس مطر الغييثي (المشاركة 568242) صح لسان واعتلى شانك يالقرم,,,والله يعين قلبك ,,,مالك الا الصبر وش وداك له:d ونعم بأل مرة قومن ونعم ابيات جزله ورائعه ولكن الظاهر ان فيه خطاء املائي فالبيت : بآشكي لك فنوفن له القلـب محـروق=يوم أكذبـت فالحـب وقلبـي صدقهـا فنوفن ربما تقصد هنوفن

المشاركة الأصلية كتبت بواسطة شافي النتيفات (المشاركة 568258) مبارك بن الجوير صح لسانك ملايييييين مبدع بكل ماتحمله الكلمة تقبل مروري المتواضع اللي احس انه اقل من قامة هذه القصيدة الشامخة ونعم في قبيلة ال مرة

المشاركة الأصلية كتبت بواسطة غلا نجد (المشاركة 568379) حضور تتقزم امامه كل عبارات الاشاده والاطراء صح بوحك وطابت روحك مدد بلا عدد وفقك الرحمن لخير الدارين سلمت ولا هنت

المشاركة الأصلية كتبت بواسطة الهاج ـري (المشاركة 568399) بآشكـي لـك فنوفـن لـه القلـب محـروق,, يــوم أكـذبـت فالـحـب وقلـبـي صـدقـهـا ماقصدهـا تجـرح ..تسلـى بــس بــذوق,, ماتـدري بحـر العـشـق يـنـوي غرقـهـا >> هذا البلاااااااا صح الله السانك وعتلا شانك والله مستعان مالك الا الصبر

المشاركة الأصلية كتبت بواسطة عبدالرحمن العقيلي (المشاركة 568487) صح لسانك يامبارك روعه تقبل مروري

المشاركة الأصلية كتبت بواسطة محمد مبارك ماجد (المشاركة 568840) ما فيك حيله يا مبارك ويش بعد اقولك يكفيني فخر إني قريت القصيده صح لسانك

ماقصدها تجرح ..تسلى بـس بـذوق**ماتدري بحر العشـق ينـوي غرقهـا
فيها الخجـل كنّْـه بدايـات وشـروق**هبايـب" تسـعـى تقـلّـد شهقـهـا
بسمت ثغرهـا فالسمـا كنّهـا بـروق**خدن كما الغسـاق ضـاع!! وشرقهـا
وتصدق أول رشفتن لـي وانـا آذوق**قلت النحـل يآمـا الشفايـف سرقهـا


اخوي مبارك صح السانك لين ترضى على الابداع والوصف الجميل

وونعم بآل مره ولايهونون باقي القبايل

تقديري واحترامي .