الله وأكــبـر يا حـبٍ فالحـشـا ما هان=مركزه بآقصى الضـلوع ولا لـقـا والي
حاولت آبنساه وباحت حـيـلة النسـيان=طـويت حـمـله وطـوّى حـيلي وإرحـالي
أقول أبأبعد غـدالي للغـريب أوطــان=إن قلت أبسلى طلع لي سـلـوة السـالي
أحـبـه و حـسـبي الله لـيت ماله شـان=فقـدته لعـنبو حـيّه مـا تـهـيّأالـي
حفظت له بالـولا من هــيـبة السلطان=ذريـته إمن الـمـلا ما عــزّر ظــلالي
كنزت له بالوفـا ماتـحـصـي الأثـمان=إحـسـاب حـبه رصـدتـه روس الأمـوالي
عـشـقته ولا ني متحـسـف على مـاكـان=مـقـسـوم و ماقـدر الله راضـي بفـالي
عـزاي بإن الهـوى دربه على الحرمان=ما يـشـعل الشـوق إلا قـطع الأوصـالي
إن جا على الزين شوفه يروي الضميان=زوّد غـلا شـربته بـيرٍ" بـلا حـبــالي
وش عـاد غـير إنه يومٍ يَنده إببركان=أفـز وآطـوّح شـماغـي عـلى عــقـالي
وش مـكسـبي مـنه لو مانحسب الأحـزان=غـنـمـت فـرقـاه فـرّق حـالي لحـالي
جَـرعـت سـمٍ تجـرّع نـمـر بن عــدوان=يـبكي عـلى مـيّـته وآأبـكي لقـتـالي
ياوجـد حالي وزأأ في وجد إبن قضعان=ويا قـطع قلبي عليه ويابـريء حـالي
والله يشـهد بحـبه فالحـشـا مـنـصـان=مـتـمـركزن فالضـلوع وما لـقى والي
أحـسن لي آسـج وصـح لسـان إبن جدلان=أمـّـأ الـغــلا والله إن يــبـطي وهو غـالي

المشاركة الأصلية كتبت بواسطة شافي النتيفات (المشاركة 566623) صح لسانك يامبارك وبيض الله وجهك

المشاركة الأصلية كتبت بواسطة خميس مطر الغييثي (المشاركة 566763) الله الله عليك ياشاعرنا المبدع,,,صح لسانك واعتلى شانك يالقرم تقبل مني الاعجاب والتقدير

المشاركة الأصلية كتبت بواسطة بدر بن صقر العجالين (المشاركة 566813) صح الله لسانك يا مبارك على ذا الأبيات الطيبه:) لا عدمناك ياذيبان تقبل تحياتي،،

المشاركة الأصلية كتبت بواسطة حسن بن بطحيّه الودعاني (المشاركة 566827) ماشالله عليك يامبارك مبدع جعلك تسلم يابن مسعر لاهان منطوقك واصل هالابداع وبالتوفيق تقبل مروري..

المشاركة الأصلية كتبت بواسطة محمد بن حمد الشكرة (المشاركة 566836) صح الله لسانك يا مبارك على ذا الأبيات الطيبه لا عدمناك ياذيبان تقبل تحياتي،،

المشاركة الأصلية كتبت بواسطة نايف الخييلي (المشاركة 566852) الشاعر المبدع مبارك ابن الجوير صح لسانك واعتلى شانك على الجزله ياراعي الجزلات وعز الله قصيده رائعه وتطرب من يقراها جزيل التقدير لك