يازيين زمان اول ويازين ناسه

الناس اول قلوبهم نظيفه لابه حشاد ولابه تنقاد على الامور التافهه

ولاكن الحين في هذا الزمن بعض العرب (املى بطنه يعبدك ):16:

عقول غريبه ومفاهيم عجيبه للأسف الشديد كأن قدر الرجال في كبر الصحون
الكرم صفه طيبه ودينا يحثنا على ذالك ولاكن ليس بالسلف والاسراف والتبذير
كم وكم من الصحون اللي يكب نصفها في سلة المهملات !!!!

صراحه موضوعك حلو وذكرتني بسالفه حصلت بين اثنين بأذكرها لك بالعاميه
ولا اذكر من هم المهم سير الرجال الاول على الثاني وقام الرجال الاول
وسواله عشاء من الميسور وكان العشى دجاج والرجال يشتهر بالحكّمه
ولاكن لضعف المعيشه قدم له الميسور . بعد مده ,,,

سيير الرجال الثاني على الاول

وكان الرجال الثاني ميسور الحال فقدمله على العشى ذبيحتين ( مفاطييح )
واثناء ماكان الرجل الأول يتعشى بدى الهياط من الرجل الثاني وقال قدام الجماعه
شوفوا يالربع افلان (ويقصد الضيف الرجل الاول ) سيرت عليه وقدم لي دجاج
وانا شوفوا قدمت له مفاطيح <<< والله من الهياط ونقص العقل وقلت الادب

المهم الرجال يبي يحرج الضيف قدام الجماعه ولاكن رد عليه الضيف
بحكمه واحرجه تدروووووووون وش قاله :



قال


((انا قدمت لك اللي تستاهله وانت قدمت لي اللي استاهله ))

فأحرج الضيف راعي البيت المهااااااايطي


من هنا وش نستفيد نستفيد ان الزمن الاول كانت فيه القلوب نظيفه
والحين في هذا الزمن يااااااالله رحمتك بس حشاد ومناقيد
كأن قدر الرجال في كبر الصحووون !!!!!

انتهت السالفه وتسلم يمينك ياالهويملي على هذا الطرح الجميل
والسموحه منك يالغالي على الإطاله في الرد ولاكن الموضوع عجبني


تقبل ارقااااا التحااااااااايااااااااااااااااا