::: مـنتدى قبيلـة الـدواسـر الـرسمي ::: - نايف بن مسرع ..شاعر رقيق العبارة ..عميق الدلالة

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

نايف بن مسرع ..شاعر رقيق العبارة ..عميق الدلالة

السلام عليكم

مقال في جريدة الجزيرة على وهذا رابطه /

http://www.al-jazirah.com/109557/tr3d.htm

رؤية - إبراهيم الشتوي

الشاعر نايف بن محسن بن مسرع الدوسري شاعر قدير استطاع أن يقدم حضورا متميزا في برنامج شاعر العرب، وقد تميز شعره بجزالة اللفظ ودقة المعنى دون تعقيد أو حشو مع رقة العبارة وقوة التركيب وعمق الدلالة.من قصيدة طويلة كتبها في صاحب السمو الملكي الأمير سلطان بن عبدالعزيز -حفظه الله-

طهور ياللي للملمات محسوب =يا عزنا لا من دهتنا الدهايا
يا كاسي شعبك من الطايلة ثوب =يامسوي حبك بشعبك سوايا
سحاب طيبك لا ترزم له انصوب =ينبت غلا لك في المدن والقرايا
شيخ. يطيبه يملك نفوس وقلوب =يدوم عزك يا حميد السجايا

وعن النميمة والكلام في أعراض الناس يقول:

سواد ياذيك الوجيه اللي تلوك الهرج لوك =للي فتحت لاعراض خلق الله غدر تابوتها
كنها عل غرات ناس غافلة تملك صكوك =الطيبة ما تنذكر.. والهينة ما تفوتها
قصرت يدين اهل الردى واهل الحكي. واهل الشكوك =وتطاولت الالسن عسى ربي يطيل سكوتها
تمازعوا عوج السوالف كل منهم: دوك دوك =كنها تجرب في قفا اهل الطايلة جبروتها

وعن الشعر في هذا الزمان يقول:

الشعر ديوان الرعب من مبطي =لكن وضعه في زمنا هانه
أول مع الفريس واهل الحكمة =فرايد لا يومنا رنانه
واليوم موضه من حساب الموضه=عاثوا بعرشه قوم يالدانه
وظيفة اللي ما لقى له شغلة=كلن على ليلاه جرّ ألحانه
وأكيد ما للذوق وأهله حاجة=في بيت شعر ما تعز أركانه
وقصيدة تنظم بليا معنى=سحاب صيف ما تخال أمزانه

ومن قصيدة يوصي كل فتاة بالحرص على اختيار الرجل الشهم الكريم اختار لكم منها:

يا بنت ياللي فارقه فالرعابيب =يا بنت منهو في اللقاء يندعا به
اللي على ظهور النضا كنه الذيب =يحوف عدوانه بيوم الحرابه
كبي ردي الجد ضخم التلابيب =اللي حصيله في المراجل ترابه
الي يجنب درب الاجواد تدنيب =ويبني على دروب الرخامة اطنابه
وعليك باللي ذكرهم فيه تطريب =ربع على كسب المعالي تشابه
اللي إيلا دارت عسير الدواليب =ما منهم إلي في اقسا صاك بايه

وله قصيدة أخرى يقول:

يا عاذل القب ما في القلب سماعة =اصقه ولا يسمع العذال وحكاها
خلوني اسج في دنياي لو ساعة =كفى لنفسي من الضيقات ماجاها
اشقيت نفس مع الظفرن طماعه =لكن وقت العنا ما حقق امناها

وله في الغزل:

يا من سكنت الحنايا كان ما تدري =عما مضى من حياتي هم وسهادي
وانكان تبغى الدلايل لذ في شعري =قصايدن في سما الحرمان تنقادى
أسري بها الليل لو الليل ما يسري =أشب نار القصيدة واضبط قنادى
أناجي اللي حفظ في غيبتي قدري =ووطيت لاجله على هامات حسادي