وشلون أبنساك ياللى للمشاعر تصـون=القلب وشلون ينسا صاحبٍ مـا نسـاه
ذكراك لاغبت تبقا وافيـه مـا تخـون=أغيب معها وأقول شلون طـول جفـاه
يا جارح القلب يا مبري جميع الطعـون=فى غيبتك جرح وبقربك تكون النجـاه
الموت فى سلهمت عكشك وسود العيون=اللى تحد المولـع حـد إلـى منتهـاه
فى طلتك تستبيح النور معنـى ولـون=منك القمر يسطع بنوره بعالـى سمـاه
وفى ضحكتك حالى السكر وغيم المزون=وفى هرجتك للكلام يصير طعم وطـراه
أبك أنت صوتك يوصلنى معه للجنـون=أغيب فى بحتـه وأذوق طعـم الحيـاه
تمون فى ذمتـى بإنـك عليـه تمـون=ملكّتك القلب وأعطيتك عليـه الوصـاه
يرخص لك الشعر لا والله كل الفنـون=ترخص لعينك وقدرك دوم يرقـا غـلاه
تنهيدة الشوق والهاجس وبدع اللحـون=والوجد منك أنت يأخذ للمعانـى ضيـاه
إقلط بصدرى وأخذ ما تشتهى ما تهون=مادمت الاحساس فى صدرى وقمة هواه
من كثر حّنيتك ما أحس غيرك حنـون=دايم شعـورك يغرقنـى بداخـل مـداه
علمتنى كيف احب العطـر والزيزفـون=وعلمتنى كيف أعرف الحب فى محتواه
إن غبت شوقك يسامرنى غرام وسكون=وأظم طيفك علـى قلـبٍ تزايـد بـلاه
بدون ما أقول احبك وأنت تدرى بـدون=إنظر لحالى وتدرى كيف حبـك رمـاه
لا تستمع هرجة اللى بالقفـا يهرجـون=أفات الاخبار دايم مـن كـلام الـرواه
أنساك وشلون هاذى بس يمكن تكـون=ما والله أنساك كود الناس تنسا الصلاه

المشاركة الأصلية كتبت بواسطة خميس مطر الغييثي (المشاركة 552672) الله الله صح لسان الشاعر ولاهان الناقل بيض الله وجهك على الانتقاء الطيب

المشاركة الأصلية كتبت بواسطة شيهانه بكف صقار (المشاركة 552676) إقلط بصدرى وأخذ ما تشتهى ما تهون مادمت الاحساس فى صدرى وقمة هواه من كثر حّنيتك ما أحس غيرك حنـون دايم شعـورك يغرقنـى بداخـل مـداه ذائقـــــــــــــــــه مميزة لايدركها الا القلة! دام ابداعك تميزك ولاتحرمنا من فيض المشاعر احترامي~

المشاركة الأصلية كتبت بواسطة المهره (المشاركة 552727) يعطيك العافيه

المشاركة الأصلية كتبت بواسطة العنووود (المشاركة 552879) متميــــــــــــــــــــــز في أختيارك..الجزل.. صح لســــــــــــــانك..ولســـــــــــــــان قايلهـــــــــــا..

المشاركة الأصلية كتبت بواسطة فيصل الشكري (المشاركة 553094) الله يعطيك العافية ولاهــنت على القصيده الرائعه وتقبل تحياتي,,

المشاركة الأصلية كتبت بواسطة بنت القبيلة (المشاركة 553206) وشلون أبنساك ياللى للمشاعر تصـون القلب وشلون ينسا صاحبٍ مـا نسـاه ذكراك لاغبت تبقا وافيـه مـا تخـون أغيب معها وأقول شلون طـول جفـاه يا جارح القلب يا مبري جميع الطعـون فى غيبتك جرح وبقربك تكون النجـاه قصيده جميلة راقت لي خصوصا الأبيات اللي فوق أخي / الهاجري صح الله لسانك ولسان شاعرها ولاهنت