ليه المسا عـوق الشقـاوي وطبّـه؟=وليه الهبوب تصحي القلب لا بـات؟
وليه القمر يدعـي جريـح المحبّـه؟ =ويقول له يا هيه..ما فات ..ما مـات
جرحك ظهر لو قلـت للوجـه خبّـه =وللحزن في ضحكك رسوم وعلامات
وليه المطر بالذات ريحـه.. وصبّـه =كنّه رسول بيـن الاحبـاب بالـذات؟
اشتـاق فـيـه لشوفـتـك واتنـبّـه =للي نسيتـه مـن مواقـف ونظـرات
لا استانس الخافق ذكـر مـن يحبّـه =ورجع يراجع فالوناسـات مـا فـات
يا مرتـع القلـب الحزيـن ومربّـه =يزيين بك مثل الذهب صدر الابيـات
هيهات ينسى القلب شخـص ٍ لعبّـه =وهيات يدله خاطـري منـك هيهـات
سبك مديـح .. ومـدح غيـرك مسبّـه =تقول واذني صوتها تقول لـك هـات
ونبع الغـلا عنـدك وعنـدي مصبّـه =ومن الولا .. في خافقي لك ..ولاياات
وطيفك حطب عيني..وعينـي مشبّـه =والشوق برد ٍ ما انقطع لو للحظـات
ومكانك الصدر ولـك القلـب شبّـه =بين الضلوع اللـي فردهـا التنهـات
ولـك بيـرق ٍ فالقلـب حبـك يهبّـه =شامخ ولا هزه مـن العـذل غـارات
محبتـك فالوقـت ذا مــا تشـبّـه =الا بخيمـة بـدو بيـن العـمـارات
ان شفتني ضايق واهوجـس واسبّـه =اخاف غدر الوقت.. والوقـت دورات
لا تحسب ان دمعي نـزل دون سبّـه =ابكي من الفرقا وهـي مابعـد جـات
الـيـوم كــل امورنا..مستـتـبّـه =وبكره ماندري وش معه من مسـرّات
اربّ قلبـك مـثـل قلـبـي اربّــه =ما يخلفه كثـر العـذل.. والمسافـات

لا تحسب ان دمعي نزل دون سبة=ابكي من الفرقا وهي ما بعد جات

المشاركة الأصلية كتبت بواسطة نسل الأجاويد (المشاركة 550287) محبتـك فالوقـت ذا مــا تشـبّـه الا بخيمـة بـدو بيـن العـمـارات يعطيك العافيه اختي شيهانه ماشاء الله عليك دايم تمتعينا بجديدك وصح السان بن فطيس قصيد ه في قمة الابداع تحياتي وتقديري

المشاركة الأصلية كتبت بواسطة الهاج ـري (المشاركة 550290) ومكانك الصدر ولـك القلـب شبّـه بين الضلوع اللـي فردهـا التنهـات ولـك بيـرق ٍ فالقلـب حبـك يهبّـه شامخ ولا هزه مـن العـذل غـارات محبتـك فالوقـت ذا مــا تشـبّـه الا بخيمـة بـدو بيـن العـمـارات ان شفتني ضايق واهوجـس واسبّـه اخاف غدر الوقت.. والوقـت دورات لا تحسب ان دمعي نـزل دون سبّـه ابكي من الفرقا وهـي مابعـد جـات اااااااه كلماااااااااااااااااااااااات مؤثره والله وراائعه صح الله الساااانس والساااااااان بن فطيس وتسلم يمناااس اختي على طرحس المميز دائما