سلام ياحرٍ مراقيبه اطوال = الساس طيب والمناسب عريقه
بيته لعكفان الاشانيب مدهال=ذلحين ولاّ بالعصور السحيقه
(يابومحمد جعل تفداك الانذال)= اللي وفاها مايجي بالسليقه
في مامضى يوم العرب تشكي الحال=والناس من جور الزمن مستضيقه
في ضف من يزهون تمجيد الاجيال=ونعم الرفيق اللي يمجّد رفيقه
واليوم فضل الله على كل رجّال=من مدّته خلا ليادي طليقه
ناسٍ تفاخر بالسوالف والامثال = وعقب السوالف ماتجي بالطريقه
حنا ترى من قوم نقدر ونحتال =مناب من قوم الظروف المعيقه
ناصل على الحروه ونثبت على الجال=ونوفي الى بار الصديق بصديقه
من غير ماابخس حق ذربين الافعال= اهل الفعول الطيبات العتيقه
مرّت علي ذكرى صناديد وابطال= وحبيت أوضح ماحصل فالحقيقه

المشاركة الأصلية كتبت بواسطة ماجد بن رويه (المشاركة 545072) سلام ياحرٍ مراقيبه اطوال = الساس طيب والمناسب عريقه بيته لعكفان الاشانيب مدهال=ذلحين ولاّ بالعصور السحيقه (يابومحمد جعل تفداك الانذال)= اللي وفاها مايجي بالسليقه في مامضى يوم العرب تشكي الحال=والناس من جور الزمن مستضيقه في ضف من يزهون تمجيد الاجيال=ونعم الرفيق اللي يمجّد رفيقه واليوم فضل الله على كل رجّال=من مدّته خلا ليادي طليقه ناسٍ تفاخر بالسوالف والامثال = وعقب السوالف ماتجي بالطريقه حنا ترى من قوم نقدر ونحتال =مناب من قوم الظروف المعيقه ناصل على الحروه ونثبت على الجال=ونوفي الى بار الصديق بصديقه من غير ماابخس حق ذربين الافعال= اهل الفعول الطيبات العتيقه مرّت علي ذكرى صناديد وابطال= وحبيت أوضح ماحصل فالحقيقه