اما لطمنا العيل والا ألطم العيــــــل= مادام شب النار مندوب الاطفا
من ذاق حر القايله يعشق الليـــــل= ومن شب ضوه ليلة البرد يدفـا
امسيت في جيلٍ ولاهوب ذا الجيل = واصبحت والا ديرتي شبه منفـا
واللي حما بيته بطيـرن ابابيـــــل = ماجيت ادور كل من صد واقفا
ولاجيت ابشحذ يانما دلّه وهيـــل = جيتك وجرح الظلم غاديه يشفا
جيتك بكلمه كنها صعقة الــويـل=ان قلت تكفا لاتهـاون بتكفـــا
تكفا تراها كلمةٍ تقطم الحيــــــل = لابالله الا تنسف الحيـل نسفــا
تكفا ترا تكفا لها هدرة السيــــل = في صدر حرٍ ينتف الطيب نتفـا
تكفا ترا تكفا لها تسّرج الخيـــل = ان كان لك في مجمع الخيل عسفا
تكفا تراني من قرومٍ مشاكيـــل .= حماية الساقه بسيـفٍ وشلفــــــــا
تكفا وتكفا ماتسـاق لمهابيـــــل .= تكفا تخلّي القرم لاشٍ وهطفـــــــا
تكفا ترى تكفا تهزّ الرجاجيـل =. لولا ضروف الوقت ماقلت تكفا

المشاركة الأصلية كتبت بواسطة الهاج ـري (المشاركة 533472) تكفا ترى تكفا تهزّ الرجاجيـل ............ لولا ضروف الوقت ماقلت تكفا بيض الله وجهك اخوي على القصيده القيمه لاهنت,,تقبل مروري ,,

المشاركة الأصلية كتبت بواسطة أبومبخوت الشكرة (المشاركة 533568) صح لسانك وابشر بسعدك من دون تكفى قصيدة جزله ويشوش لها الراس بيض الله وجهك ولاهنت

المشاركة الأصلية كتبت بواسطة دغش الصخابره (المشاركة 533577) والله انه على لساني لكن ماقدرت انطقه هههههه والله صحيح يابو ماجد والماريه تراه من اهل الجنوب ماادري هو شهري والا شهراني لكن بحاول اجيبه لك ولاهنت

المشاركة الأصلية كتبت بواسطة ناصر الخبر (المشاركة 533617) امسيت في جيلٍ ولاهوب ذا الجيل واصبحت والا ديرتي شبه منفـا صح للسسسانك بوماجد لاهنت