هذاك قصره شاهداً كل ماصار =على طريق السيح نادر مثيله
يعاند هبوب الريح ماضيه تذكار= يحكي تواريخ الليالي المهيله
على طريق السيح سداً من جدار=هذاك قصر اللي فعوله صميله
وأفخر بمنهو مكرم الضيف والجار=عبدالله المنعور زبن الدخيله
خالي سديد الراي إذا غيره أحتار=حكيم ربعه في الأمور العضيله
أخو عجيبه يخفض الصوت ويشار= ندر الكلام وراعي الفعول الجميلة
حي الرجال اللي بعيدين الأنظار= محسبين لصغارها والجلـــــــــيلة
في مثلهم ياحزام تطربك الأشعار= ولو كثرت الأبيات فيهم قلـــــــيله
ياالله عساهم من طويلين الأعمار=يقولها العاشق وربك كفــــــــيله
قصيدتي ضمت بها زين الأفكار= تفخر بمنهم كاسبين النفــــــــيلة
دوك قصر الطرف محدن يجي يمه=شارتن كل خلق الله يعرفونه
في زمانن مضى والناس مهتمه=من وقيد الحرايب قامت أركونه
شيده راعي الوقفات والهمه= مايهاب الخطر لوكان يطرونه
يجلب الروح صوب الموت ماهمه=ياصل اللي يبي ماينثني دونه
صاحبه مثل دابن مهلكن سمه= ماتجرى عليه أحدن يهابونه
كم صبين لقا حزنه مع غمه= لاسمع مرضي زادت أغبونه
شاع صيته تعلا عالي القمه= عند قاصي وداني بان مضمونه