بإسم من له يسجد العبـد خشيـه وإبتهـال=فـارجٍ هـمَ الاوادم وشـافـيٍ عوقـهـا
مرحبا وإعـداد ماهـب نسنـاس الشمـال=وعِدْ مالاحت شمـال وجنـوب إبروقهـا
وعِدْ ماتوجد على الارض حبات الرمـال=والبحـور أمواجهـا وأعـداد مابعموقهـا
وعِدْ مايوجد على الارض من ورد وجمال=والقمـر والشمـس بغيابهـا وشروقـهـا
ياصديـقٍ غالـي كـل ماجالـه مـجـال=الشلـي اللـي يوفـي الرجـال أحقوقهـا
ياعريب الجد والخـال ياوافـي الخصـال=شاعر حلـو القصايـد عـزف طاروقهـا
لالفاه أظيوف قـدم لهـم صفـر الـدلال=دلـةٍ مـن ذاقهـا ماسمـح مـن ذوقهـا
والشحم والطيـب يفعلـه قـدر للرَجـال=والهروج اللي يريـح الصـدر منطوقهـا
من هل الطولات والعز فـي يـوم القتـال=الرجال اللي على الطيب حامـيٍ سوقهـا
يشتكي ويقول لي ساهـرٍ قـد لـه ليـال=من غروب الشمس حتى طلوع إغسوقهـا
فما يضيع اللـي مثلكـم يهـدون الجبـال=سوقهـا يامسنـدي لاتـراجـع سوقـهـا
كان صايبكم هوى البيض حسنـات القبـال=صايبـك سهـم المحبـة وهـدك شوقهـا
من عشقهـم يادغـش ذايـق مـر وزلال=كل كبد فـي الهـوى ماتطيـب إحروقهـا
ضاربٍ في لازمك يادغش كـل إحتمـال=لـو نكلَـف يـام تدفـع جميـع إحقوقهـا
أعتبرني يادغـش مـن خوانـك والعيـال=لعـن أبوها فـزعـة ماتبـيـن إنثوقهـا
وكان تشكي الوقت فالوقت ياأبن الناس طال=أحـرق كبـود الآوادم وشـق أحلوقـهـا
كل ماقلنـا بتمضـي يجـي فيهـا ميـال=والسنة ذي بينت فـي القلـوب أشقوقهـا
والله أن قدلي وأنا صابـر ياأبـن الحـلال=وأكتم الاسرار وأدعـس علـى صندوقهـا

ياصديـقٍ غالـي كـل ماجالـه مـجـال = الشلـي اللـي يوفـي الرجـال أحقوقهـا
ياعريب الجد والخـال ياوافـي الخصـال = شاعر حلـو القصايـد عـزف طاروقهـا
لالفاه أظيـوف قـدم لهـم صفـر الـدلال = دلـةٍ مـن ذاقهـا ماسمـح مـن ذوقهـا
والشحـم والطيـب يفعلـه قـدر للرَجـال = والهروج اللي يريـح الصـدر منطوقهـا
من هل الطولات والعز فـي يـوم القتـال = الرجال اللي على الطيـب حامـيٍ سوقهـا

المشاركة الأصلية كتبت بواسطة الودعاني صح لسانك الشاعر محمد اليامي وعزالله انها من العيون الشعرية ورديه بين جبلين في الشعر ولاهنت ياراعي الاوله دغش البطي وصح لسانك

المشاركة الأصلية كتبت بواسطة فراج بن مشنان ياصديـقٍ غالـي كـل ماجالـه مـجـال = الشلـي اللـي يوفـي الرجـال أحقوقهـا ياعريب الجد والخـال ياوافـي الخصـال = شاعر حلـو القصايـد عـزف طاروقهـا لالفاه أظيـوف قـدم لهـم صفـر الـدلال = دلـةٍ مـن ذاقهـا ماسمـح مـن ذوقهـا والشحـم والطيـب يفعلـه قـدر للرَجـال = والهروج اللي يريـح الصـدر منطوقهـا من هل الطولات والعز فـي يـوم القتـال = الرجال اللي على الطيـب حامـيٍ سوقهـا صح الله لسان الشاعر محمد اليامي و عز الله انك تستاهل يا محبوب الجميع قصيده و ردّها في قمة الجزاله لا عدمناكم يالنشامى ... دغش البطي ,, تقبل عذب التحايا ,, و صادق الود ..

المشاركة الأصلية كتبت بواسطة ابن هديهد دغش البطي الله يصح السانك والسان الشاعر محمد حسين اليامي ونشهد ةشهادة حق انها في قمت الشعر قصيتك ورد اليامي عليك الله دركم وكثرالله من امثالك اشكرك جزيل الشكر على ماتبذله من جهد في خدمت المنتدى مراقبنا الغالي عساء عمرك طويل وجعل والديك في الجنه لاتحرمنا من جديدك تقبل تحيات محبك . ابــــن هــــديـــهـــد

المشاركة الأصلية كتبت بواسطة الواضح الأخ / دغش البطي صح الله لسانك ولسان اليامي ولاهان الله منطوقكم ابدعتوا واجدتوا و الطيب من معدنه لايستغرب

المشاركة الأصلية كتبت بواسطة ((محمد)) صح الله لسانك ولسان اليامي على الكلام الجزل والوافي وانت يابو محمد محل العلم الطيب وسمعتك الطيبه بين بني عمك هي خير الدلايل لذلك كثر الله من جنسك تقبل اجمل التحايا والتقدير من اخوك محمد

المشاركة الأصلية كتبت بواسطة ماجد المهنا السلام عليكم ورحمة الله وبركاته دغش البطي / محمد اليامي بيااااااااااااض وجه صوت وصدى .. من قمة جبل صح لساااااانكم مدد لاهنتو على كل حال