خمسة عشر درة ٍ بين النبـط والفصيـح=غصت اببحور القصيد وجيت مشتالهـا
الصوت مبحوح وان غنيت يمكن يبيـح=ولا فــودي بشيلتـهـا وموالـهـا
من شان اسلي بها ذاك الضمير الجريـح=اللـي لياناحـر الفِجـه تنـوى لـهـا
والشاهدالله علي انـي لعـد الصحيـح=واجاهد النفس مهما الوقـت سوالهـا
عفوي وضد التكلف في الحياه وصريـح=واصفـح ولاعامـل الجهـال بعمالهـا
اسلا مع اعزاز الانفس وانبسط واستريح=ولاضعـاف الروابـع 0مالـي ومالهـا
بعض الاوادم على غاية بعضهـا تطيـح=ولاتطيح الطيـور الا علـى اشكالهـا
ومجالس عزاز الانفس قحويانه وشيـح=رفيعـة ٍ ترفـع الـرجـال لاجالـهـا
ماياجد الا سعة خاطر وهبـات ريـح=ومواقف تطـرب الطيّـب ويسلالهـا
ولا انت ياللي ورا المقفي تنط وتصيـح=خلك بحالك وخل النـاس فـي حالهـا
القافلـه ماشيـه ماحسبـت للنبيـح=داست اخشوم الكلاب ولا على بالهـا
ووشفيك تنبح وراها يالـردي القبيـح=يعنـي مثـل غِـرة الفـارس وختالهـا
قال ابن عباد كم صدر ٍ فضحه الكحيح=واليوم انا اقولها لـو كـان قـد قالهـا
ولاكثر الله خيـرك َ يايميـن الشحيـح=جـوك ِ النشامـا ولاكرمتـي اسبالهـا