ياوجود اللي عيونـه شقاويـه=مرّها حلـو المنـام و تعداهـا
كن بين جفونها جمـرةٍ حيّـه=مايطفيهـا سهرهـا ولا ماهـا
بيّتها ليل الشتا في ابو حدريـه=واحتداه وحد نفسه على اقصاها
مشكلة بعض الصدور الجنوبيه=لو تجيهها دمعة الطير تملاهـا
العوامل والظـروف الطبيعيـه=غيّرت مجرى زمنها و مجراها
والجفا يا اهل القلوب الهواويه=حطم احلام المحبين و انهاهـا
ياوجود اللي عشـق لـه .....=في صلاة الرحم ماهوب وياهـا
من تحبه لو تحبه على النيـه=برّكت فاقصى ضلوعه مطاياها
ذوقتني هجرها ثانـي ضحيـه=و نجرح قلبي على حر فرقاهـا
حايلٍ من دونها حول و شويـه=مير مالله حال من دون ذكراها
كل حاجه باقيـه مثـل ماهيـه=ما سرا معها على درب مسرها
غير عضو في جهتي الشماليه=فاع من عوج الحنايا و خاواها
ودمعة نطّحتهـا راحـة يديهـا=اف يا ماحرها و آح مقساهـا
حولتها يـوم قالـت وداعيـه=واستباحت سترها فوق ماطاها
حيلتي لاهبت النـود عصريـه=قمت مع كل الجهات اتحراهـا
وامسيت الفرحه يتيمه ومنسيه=في عيونٍ حرقة الوجد تصلاها
عن خدينات الترف نفسي معيه=لو تجيني مثلهـا كنهـا اياهـا
من غدت منه الذلول العمانيـه=ماتعوّضه ناقـة الله وسقياهـا
دكّت اضيوف المعازيب رجليّـه=مابقى الا ضيقةٍ فوق مركاهـا
سيرة من وحي عامين هجريه=ودي انساها والا ودي انساهـا
المعالـم و الرسـوم الطلاليـه=مايحفظ امجادهـا الا بقاياهـا
ذكريات تعبـر العمـر طرقيـه=وذكريات في وطنها ومرباهـا
وصورة في متحف البال مطويه=كـل يـوم افلهـا و اتهجاهـا
من لها قدر اولويـه و اهميـه=ماشعرت بغربة العمـر لولاهـا
والذي نفسي بيده انهـا ليـه=اقرب من كفوفها عنـد حناهـا
لو جفتني والعيـون الشقاويـه=مرها حلـو المنـام و تعداهـا