متى يا تايـه الأيـام تلقـى للسنيـن عـلاج,,,مضى نص العمر والباقي الله يعلـم أسـراره
تسير بدرب له مدخل وله مجرى وله مخـراج,,,توقع من ملفـات الطريـق وطـول مشـواره
قبلك أفواج مشيت به وبعدك يا لبيـب أفـواج,,,ولا ياقف مسير الركب غصب النفس تختـاره
هذا في دربها تضوي جروحه مثل ضوي سراج,,,وذاك أمسى لهيب الذنب جوفه يهتك استـاره
عليك من المواجع والمآسي في زمنك سيـاج,,,ونفسك بين حلو المغريـات وزفـرة امـراره
تنادي للفرح وأنت الغريق تصـارع الأمـواج,,,يجاوبك الصدى هذي صروف الدهر وأخبـاره
خبر يطوي خبر وأحلام تسكن عالي الابـراج,,,مصير الحلم يطويه الفـراق ويهـدم اسـواره
تضيق الدايره ويصيـر درب الآخـرة منعـاج,,,ولا عندك خيار الا تـدوس الـدرب وأحجـاره
ما دام أن الدروب تضيق توب وعدل المنهـاج,,,ترى ما تضمن الغاره يجي من بعدهـا غـاره
لذا سوق الركايب للكريـم وناصـر المحتـاج,,,يعدلها قبل طـاري الرحيـل يجيلـك انـذاره
قبل ما ينحني عود ك وتطلب للهمـوم افـراج,,,ترى الأقدار صيّاده وروحـك دونهـا الشـاره
تغانمهـا ودّور لليـال المقـبـلات عــلاج,,,رحل نص العمر والباقي انته تجهـل اسـراره


ناصر الشريف

صح لسانك يابحر

قصيده من اولها الى اخرها

وهي وافيه وانت جزل

تقديري

صح لسانك وبيض الله وجهك على الابيات والشيله الطيبه
ودائما مبدع
سجل اعجابي وتقديري