::: مـنتدى قبيلـة الـدواسـر الـرسمي ::: - قصيدة في ولد عمي شعيّب بن شعّيب بن فارس الدبالين

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

قصيدة في ولد عمي شعيّب بن شعّيب بن فارس الدبالين

بسم الله الرحمن الرجيم ،،،، السلام عليكم ورحمة الله وبركاته

اقدم لكم هذه القصيده المتواضعه واتمنى ان تعجبكم وهي لها سالفه

وهي ان ايام غزو الكويت وكما تعرفون مابقى فالكويت احد كلن لجأ

للسعوديه وغيرها المهم ان شعيب بن شعيب بن فارس الدبالين

ماقدر يصبر ولا هناله بال الا لين يجيب ابله من الكويت وهي في

غزو عزّم القرم ابو فارس ورجع للكويت وجاب الابل وساقها من بين الدبابات

والحريق وعدّاها حد السعوديه لين وصلت اديارها والقصه معروفه عند ارجال

الفرجان وغيرهم وقد قال الشاعر هادي بن قحيصان الهوامله قصيده في ابو فارس

متنومس بفعله بعد ماسمعه من واحدن ماهوب دوسري يسولف به في مجلس

وهو حاضر وقصيدة هادي بن قحيصان الهوامله ان شالله اني بجيبها من راعيها

اقول :

جعل برقآ يطرب القلب شوفه والخيال=يصطفق مزنه وتسمر بروقه والرعد
وتمطر المزنه وتسي ديارآ في الشمال=منزلن جعل الحيا ينعشه مطر وبرد
منزلن فيه النشاما مداهيل الرجال=مدهلن للطيب واللي على العليا صعد
مجلسن للضو والعود الازرق والدلال=عادتن لاهل الكرم مالهم عنها مصد
وانت والله يابو فارس من اقروم الرجال=من ارجالن تنطح القوم في وقت الهدد
ياشجاعن بالفعل والمواقف له مجال=يوم كلن دون حد الكويتي قد قعد
وقتها صوت المدافع يجيبن الهبال=والشجاع من الرياجيل ففراشه رقد
سقت روحك ياعريب النسب لجل الحلال=سقتها بين الرياجيل ماتاوي لحد
نحتمي دون المجاهيم زاهية الجلال=يابن عمي ساسنا صالبن مثل الوتد
مانقول الا كلامن تناقلها الرجال=موقفك يشهد عليه الذي فيكم قصد
يوم قال آنا آفدآ اللي لها شد الرحال=يوم داره فالكويت استحلت ماقعد
جعل عمرك ياشعيب طويل ابطيب فال=ياشجاعن طيب فعله يبشر بالسعد

وسلامتكم يالقروم ....