|
دار النسيـــــــــــــان’’’’
هذي قصيده ام بعد ان وداها ولدها .. للمصحه ( دار العجزه ) ..
او كما يقااال ( دار النسيان ).. وين انت يا حمدان امـك تناديـك وراك مـا تسمـع شكايـا وندايـا يا مسندي قلبي على الدوم يطريـك ما غبت عن عيني وطيفك سمايـا هذي ثلاث سنين والعيـن تبكيـك ما شفت زولك زايـر يـا ضنايـا تذكر حياتي يـوم اشيلـك واداريك والاعبـك دايـم وتمشـي ورايـا ترقد على صوتي وحضني يدفيـك ما غيرك احدٍ ساكن فـي حشايـا واليا مرضت اسهر بقربك واداريك ما ذوق طعم النوم صبـح ومسايـا ياما عطيتك من حنانـي وبعطيـك تكبـر وتكبـر بالأمـل يـا منايـا لكن خساره بعتني اليـوم وشفيـك واخلصت للزوجه وانا لي شقايـا انا ادري انها قاسيـه مـا تخليـك قالت عجـوزك مـا ابيهـا معايـا خليتني وسط المصحه وانا ارجيك هذا جزا المعروف وهـذا جزايـا يـا ليتنـي خدامـة بيـن اياديـك من شان اشوفك كل يوم برضايـا مشكور يا ولدي وتشكر مساعيـك وادعـي لـك الله دايـم بالهدايـا حمدان يا حمـدان امـك توصيـك اخاف من تلحق تشـوف الوصايـا اوصيت دكتور المصحه بيعطيـك رسالتـي واحروفهـا مـن بكايـا وان مت لا تبخل علـي بدعاويـك واطلب لي الغفران وهـذا رجايـا وامطر تراب القبر بدموع عينيـك ما عـاد ينفعـك النـدم والنعايـا |
رد: دار النسيـــــــــــــان’’’’
الله يعطيك العافية يانسل الاجاويد وبالفعل قصيدة محزنة جداً
|
رد: دار النسيـــــــــــــان’’’’
الله يحيك ومنور صفحتي
|
رد: دار النسيـــــــــــــان’’’’
الله يعطيك العافيه قصيده محزنه ولكن الام مادعت علي ولدها اه اه من هذا الزمان والله دمعت والشكرا الكبير يانسل الاجوايد والله لا يحرمنا
|
رد: دار النسيـــــــــــــان’’’’
لاهنت يانسل الا جاويد
تحياااااااااااااتي لك نايف ابن شميعان |
رد: دار النسيـــــــــــــان’’’’
يعطيك العاااافيه على نقل القصيده المحزنه ،، الله يحفظ امهاتنا ويعيننا على برهم ..
|
رد: دار النسيـــــــــــــان’’’’
الله يعافي كل عاق ولا يبلانا
بيض الله وجهك على النقل اختيار موفق لاهنت |
رد: دار النسيـــــــــــــان’’’’
بيض الله وجهك على النقل اختيار موفق لاهنت |
الساعة الآن 11:38 AM
 |
Powered by vBulletin® Copyright ©2000 - 2025, Jelsoft Enterprises Ltd.
---