أقسم بمن كون عبـاده مـن الطيـن=وأقسم قسـم باللـي خلقنـي وأنالـه
وأقسم قسم باللي نـزل بآيـة التيـن=وأقسـم بذكـرالله جــلا جـلالـه
أقسم وأنا مانيب مجبر علـى الديـن=بس الوفـا بيـن الضلـوع أجتوالـه
لاشاكي(ن) غربه ولاشاكي(ن) ديـن=لوأني أغرب مـن غريب(ن)لحالـه
غريب ويعانـي ولاعـون ومعيـن=عليـه تهمـه والدهـر ماصفـالـه
مطرود عن شوف الوطن والمحبيـن=ويخـط مـن دم الحميـه رسـالـه
يقدح ورى فكر الضعوف المساكيـن=لوهـو تشكـل لـه ثمانيـن حالـه
يدنف عليه الليـل ويصـارع البيـن=ولاقطـع مـن رحمـة الله حبـالـه
لوهو جفاه الحـظ وأصابتـه عيـن=والعين ماصلت علـى أحمـد وآلـه
قوست ياحالي وأنـا بيـن قوسيـن=والضيق حاشرني على شيـن فالـه
غديت في بحرن مثل بحـر قزويـن=وأبحرت به من سيف جالـه لجالـه
وأخذت سبع أسنين وسط البحر ليـن=ماكان غطانـي مـن الحـال شالـه
وأصبحت مأخوذن ولاأدري على وين=مـدري جنـوب الـدار ولاشمالـه
بس الوكاد أنا مـع المـوج غاديـن=وأقفيت أكـظ الغيـظ مانيـب دالـه
متشردين(ن) فـي ربـوع البلاديـن=مافيـه شعـب أيضمنـا بالكفـالـه
رفعت رأسي فـوق ويسـار ويميـن=والنور بانت صورتـه مـن شعالـه
وعديت روس النايفـات الصعانيـن=وجريت صوتي فـي مقـذل جبالـه
وكنهـا تسابقنـي حمايـا الوداعيـن=أهل الاصيلـه والاصـل والأصالـه
قومن على سوق الحمايـا مجانيـن=ياسعد أبو مـن حطهـم رأس مالـه
ربعي بنـي عمـي حمـاة المخليـن=لادارت الايــام دور المـحـالـه
دواسرن عاشوا كرامـن عزيزيـن=بأيمانهم بطـش المصايـب سهالـه
دواسرن جزليـن صعبيـن سهليـن=كم مجرمن جاهـم وهـدوا أجفالـه
أمذوقـيـن المعتـديـن الامـريـن=وسيوفنـا تلمـع علـى كـل طالـه
أمجادنا من قبل سورن على الصيـن=أنشد سنام المجد مـن هـم رجالـه
تاريخنا مكتـوب وسـط الدواويـن=ماهوب يعرض سلعتـن فـي بقالـه
واللي دعاني من قسا العسـر لليـن=ودعاني(ن)مجـذوب عمـه وخالـه
نعـم وأكررهـا مباشـر وبعـديـن=ليـت الثنـا يوفـي وأرد الجمـالـه
والله ماأنسى موقفك ياأحمـر العيـن=موقـف ويرمـز للنـداوي شكالـه
لوكان باقي مـن لزومـي لذلحيـن=لكـن حـي اللـي يلقـيـك بـالـه
عزالله أنكم يالوداعين وافين=ياللي وديتوا جاركم من خماله
جيتوا عزيزينن وعشتـوا عزيزيـن=أنتوا سمـاة الطيـب لاجـا مجالـه
من غير قاصر فالرجـال المسميـن=كلـن يـورد للمنـاهـل حـلالـه
قلته وأنا ربعـي عـذاب الحفيفيـن=ربعـي غييثـات الفخـر والبسالـه
معاشقين المجـد عشـق المزاييـن=أنشد عن وقيان وش هـي خصالـه
زعيمنـا يـوم أنقـلاب الموازيـن=يقـز دربـه بيـن قـالـه وقـالـه
أيجلي المبغض عن المرتـع الزيـن=في شف وضحـن ماخذاهـا حيالـه
يكفي عن الشرح المطـول عناويـن=الجوهـر الصافـي يكفـي جمالـه
عسى هل الفزعات يبطـون حييـن=لأن الحيـا يحييـك لاأنشـا خيالـه
يالله عسـى وراثـة العـز باقـيـن=يـارب لاتقطـع لأهلنـا سـلالـه