الا ياهجوسـي خرجيبـي مـع سلـوى=ولا تركديـن الا مـع الـوادي القبلـي
انا كـل ماهبـن الانسـام مـن علـوى=هموم الزمان قامـت تباعـد وتقربلـي
عسى الله يساعدني على الهـم والبلـوى=وعسى الله يفرج ضيقة الخاطر المبلـي
الا جيت اسلي خاطري ماحصل سلـوى=ولا كن وسط النـاس بعـدي ولا قبلـي
اشوف الحبال اللي علـى سكتـي تلـوى=وانا ما علي من هرجة اللاش والخبلـي
لو ان العرب تقطع حبالي مـن الدلـوى=الارزاق عنـد الله ولـو قطعـوا حبلـي
احب الديار اللي من اهل الحقـد خلـوى=ادير النظر واسـج الاقـدام عنـد ابلـي
اشوف الغبي يدفن لي السم فـي الحلـوى=وانا انصب على النصاب لو كان ينصب لي