جاني وانا في وسط ربعي وناسي=جاني نشلني مثل ما ينشل النـــاس
مني نشل روح تشيل المآســـــــي=تشكي من ايام الشقى تشكي اليـاس
أثر الالم في سكره المـــوت قاسي=ماهالني مثله وانا انسان حـــساس
جابوا كفن ابيض مقاسه مقاســــي=ولفوا به الجسم المحنط مع الـراس
وشالوني اربع بالنعش ومتواســي=عليه ومغطى على جسمي البـــاس
وصلوا علي وكلــــــهم في مــآسي=ربعي ومعهم ناس من كل الاجناس
ياكيف سوا عقبنا تاج راســــــــي=وامي الحبيبه وش سوى بها الياس
أسمع صدى صوت يهز الرواسي=قولولها لاتطــلــم الخــد ياناس
قولولها حق وتجرعت كاســـــــي=لاتحترق كل يبي يجرع الكـــــاس
أصبحت في قبري ولابه مواسي=وأسمع قريع نعولهم يوم تـــــنداس
من يوم قــــــفوا حل موثق لباسي=وعلى رد الروح صوت بالاجراس
هـيكل غريب وقال ليه التــــــناسي=صوته رهيب وخلفه اثنين حـــراس
وقف وقال ان كنــت يانـمر نـاسي=هاذي هي أعمالك تقدم بكـــــراس
ومن هول ماشفته وقف شعر راسـي=وأنهارت أعصابي ولاأرتد الانـفاس
يالــيتــني فكرت قبل أنغمـاســـي=بالـغفله اللي منتـهاها لــلافلاس
وفزيت من نومي على صوت ناسـي=وأصرخ وأقول الموت وأحذر الناس

المشاركة الأصلية كتبت بواسطة ابن هديهد دغش البطي يامرحباً ترحيبة المطر يابو محمد الله لايهينك صاحب ختيار وذق عالي رفع الله مقدارك قصيده رايعه من شاعر كبير الله يرحمه وموات المسلمين وكبر دليل على ذالك أن دغش الي ناقل القصيده عساء عمره طويل ابو محمد لك من محبك جزيل الشكر والعرفان محبكم . ابـــن هـــديـــهـــد

المشاركة الأصلية كتبت بواسطة سفير السليل اخوي دغش البطي مشكور على عرضك هذه القصيدة ....أنا أشهد انها تهز القلب. الله يرحم قائلها ويحسن خاتمتنا وجميع المسلمين

المشاركة الأصلية كتبت بواسطة فهد الغريري بسم الله الرحمن الرحيم وعليكم السلام ورحمة الله وبركاته اررررررحب يابو محمد ترحيةٍ من واحدٍ يغليك ويحبك والله اني صادق عز الله يابومحمد ان كل مشفت اسمك في موضوع يفز قلبي وعرفت ان الجزاله تنبع بين ثنايه فاختيارك موفق دايم وهذا الشي يدل على بعد نظرك في قوة الموضوع الذي تطرحه وعسى الله يهنيك في عمرك ويجزيك عنا كل خير وأسال الله رب العرش العظيم ان يغفر لشاعر الكبير لشاعر المقدم / نمر السحيمي الحربي ويسكنه الجنه وان يحسن خاتمتنا في العمل ويرزقنا الشهاده عند الممات تقبل تحياتي وتقديري واحترامي واعتزازي فيك يابومحمد اخــــــــــــــــــــــــــوك/ فــــهــــد الـــغــــريـــري,,,,,

المشاركة الأصلية كتبت بواسطة سالم الغريري لا اله الا الله الموت حق وكل نفس ذائقة الموت الله يرحم الشاعر نمر ويغفر له قصيدته كانت تحكي عن حال الانسان بعد الموت وفيها وعظ ونصح بالعمل الصالح لأجل هذا اليوم والاستعداد له يوم لا ينفع لا مال ولا بنون ما ينفع غير العمل الصالح الله يرحم الشاعر ويغفر له ويجزاك يا ابو محمد خير على ذوقك الرفيع واختيارك الرائع ودمت شعلة لا تنطفئ في هذا المنتدى تحياتي الخالصه

المشاركة الأصلية كتبت بواسطة خيال العبية الله يرحم المقدم / نمر الحربي ويسكنه فسيح جناته و مشكور اخوي دغش البطي على المشاركة الطيبة ،،،،،،،،،،،

المشاركة الأصلية كتبت بواسطة ثامر البدراني دغش صح لسانك ولسان شاعرها لا هنت والله اختيار جميل يدل على ذوقك العاالي لا تحرمنا من جميل اختيارك تقبل مني اطيب تحيه محبك .. ثامر