غربة شعور ودمع وافي من العين = أعيش فيها واسكن الذكرياتي
ذكرى فراق الحلم ما بين قلبين = قلبين تاهت مع ظروف الحياتي
حبت بعض حبٍ رجح فا الموازين = زفراتها من صدقها ما تباتي
ونا على حبه كفخت الجناحين = حلقت في جوه من أعماق ذاتي
لا واعنايه منه حصلت ثنتين = منطق شفاه وطيبته موج عاتي
حبه مسافه تاهت بها العناوين = قطار عمري من مواجعه فاتي
يا قلب يا عابر طريقك على وين = من حيث ما ترحل مع الفكر تاتي
ضاع الطريق وذاب فا لقلب جرحين = جرحين فا اعماق الغلا خافياتي
امشي لك وقلب العنا يشكي البين = صوادر اوجاعه كما الوارداتي
ليلي بليا طيفه العذب ليلين = كل الشموع بغيبته طافياتي
ليت القدر يجمع قلوب المحبين = تحضن بعض وتحقق الامنياتي
كان اسكن أعماقك من الوجد يا زين = واعيش فيك احلى مراحل حياتي
يا قلب علمني وجاوبك ذلحين = بسالك من فا الحب سوى سواتي
يطرد سراب الشوق خلف المقفين = ضامي ويشرب من غثى الذكرياتي

ضاع الطريق وذاب فا لقلب جرحي=جرحين فا اعماق الغـلا خافياتـي
امشي لك وقلب العنا يشكي البيـن=صوادر اوجاعـه كمـا الوارداتـي

المشاركة الأصلية كتبت بواسطة ناصر الفصام (المشاركة 473420) صح لسانكـ والقصيده جزله وكاتبها جزل ولاهنت وبيض الله وجهك يا ذيباان ونتظر ابداعاتك الجديده

المشاركة الأصلية كتبت بواسطة خميس مطر الغييثي (المشاركة 473421) ناصر الشريف ابداع جديد في هذا المنتدى العريق صح لسانك واعتلى شانك ودمت متميزا