1(بين مسطور الورق والحبر والتسجيلا=مابعد شدت هواجيسي مثل ذا المرّه
يالله التوفيق يالمطلوب والتسهيلا=في مديح اللي تقول الناس لله درّه
الأمير الهيلعي النادر الحلحيلا=في جبين المجد والتاريخ مثل الغرّه
أنت ياعبدالعزيز اللي تعدل الميلا=وأنت حر والمراجل في يمينك حرّه
وأنت أبوك حزام يوم المعترك فاليلا=واقتحام المصمك وليلٍ عبوسٍ شرّه
أمّره يوم استوت صقر الجزيرة ليلى=لن له بين الرياض ودار جابر جرّه
وآل مره بسم أبوك حزام سمو جيلا=عد لك خمسين بسم حزام عند المرّه
والسبب في التسمية يحتاج له تفصيلا=مير أنا وشلون أعد نجومه المنثرّه
وأنت لك قدر ومقام يوجب التبجيلا=عند أمير العاصمة بحر الكمال وبرّه
يجلسك جنبه على يمناه كالتفضيلا=والأمير أبخص بمرجان المحيط وبرّه
وأنت راعي المجلس اللي فيه بن وهيلا=صف رسلانه كما الصفين فالمغترّه
صك بيبانه حرام مامعه تحليلا=والحطب في ساحته يطري عليّ الحرّه
من شيوخ اللابه اللي يتعبون الخيلا=العجالين أن تناخوا والرحا مفترّه
كفكفوا دهم الجموع اللي تبذ الحيل=لاعثوا في خصمهم جاله عطيط وصرّه
لابتن مقياظهم مابين غرس وغيلا=في براد وغيرهم بين العجاج وحرّه
وأن غدى للوسم تبكيروسال السيلا=ساقوا المظهور والمقزور كلٍ زرّه
في هوى سودٍ اليا وصفة سوات الريلا=ماتهاب الحفيف اللي يعيد الكرّه
تحت هيبة من لهم فالمعركة تهليلا=الهنادي البيض بديهم تجي محمرّه)
2( عز الخوي ما هو يرضي هوانـه=يلقاه في عسر الليالـي وفالطيـب
ولا جاه مظهودٍ بجاهـه عنالـه=وارخص حلاله في جميع المواجيب )
3(وعن الفرجان امدح وانا بمدح=إعدادهم في اللقاء يا مختزينا
وهم يا هيه خضران وهوامل=وعجالين تزود الزيـن زينـا
لهم فعلٍ صحيح إنه يشـرف=من الابطـال جونـا فاتحينـا
تشوف حزام يوم السيف سله=هو السابع من السبعه درينـا)
4(وأبو خزام يـا والله مصاليهـا=نعم ذيب الشلايا صلب عجلاني
المراجل مـن اولهـا وتاليهـا=كسبنا ما شريناهـا بالأثمانـي
دوك كتب الرسايل لك موديها=وحنا على موجب الداعي إلاجاني
كل نفس تبي النوماس نغليهـا=من على جدنا وأصل ابن بدراني )
5(هجننا اللي للمعادي يا صلني=لو بحد السيف ولا بالردايف
ولا لفن قدهن حفايا يصقعني=عند ابن خزام عيدٍ للنكايف
دله يعبا لهـا هيـلٍ وبنـي=قلط الترحيب ودلالٍ نضايف )
6(الهجن قدهي تكابا من مواطيهـا=تهضع بالأرقاب لا تلت بالأرساني
عقب الصلف والقوايل مع معاديها=تلفي حزامٍ عشانا قرح الضانـي )
7(وحزام اعـده معـه منـا خمسـه=مع من بنـا مجـدٍ تلتـه مجـود
يشهد له معزي وباب المصمك=وشلفى فهد في بابه المـردود )