يالله يالي لا بغى شي يكـون كاني *** أمـــره مابين الكاف والنـون وله نعبد

أسهر في شؤوني لاسـهر كل سـهراني ***وأقوم إلا منــــه أذن الصـبح للمــسجد

إللي علي أقوم به خمــسة أركانـــي***مع النافله عقــب الفريضه ركعــت أسجد

فـي طاعة الله ماأبغي الناس تراني *** أخيف الرياء مالي ورى الدين لي مقصد

ولا أقـول أنا كامل ولا أنقد على الثانـــي*** من فتش بنفسـه شاف عـيبه قبل ينقد

ترا طــايعين الله ربعي وخلانــي *** وأنا لي مع الأحباب مـمشى ولــي مقعد

ولا أجلس مجالس قولت فلان وفلاني*** مجلسـنا ذكر قال البخاري وقال أحـمد

وإلى جيتنا بسئل سألت بن حيداني *** راع القضاء الأعلى إلى من بغـيت أنشـد

الحمد لله مؤمن بركن الأحساني *** أعــبد ربـي كــأني أراه ومـــوحــــد

ترى ألله كامل والبشر فيه نقصاني *** وله حكـمةٍ الله فــي النـاس يوم أوجـــد

هذى اللي كتب ربي وهذا اللي أعطاني***وإلى الله عطى الأنسـان نعـمه فلا يجـحد

عســالي مع اللي معه لله برهـــانـي ***ينور طريقه لامشى والظــــلام أسود

أنا مالقيت أللي بطيـبه تحــدانـي *** إلى أبعـــد نظـــر عيني لعينه نظرها أبعـد

ولانيـب هــذار ولا أزل بلسانــي ***ولاأجلس مع الجاهل ومن مجلسه نبعــد

وختمانها صلـوا على نسل عدناني*** نبـي بعثه الله بـالـحـق ومـوحـد