النّفس عيّت على بعدك تطاوعني=كنها بحبّك على الفطره و مجبوله
يا صاحبي طاري الفرقى يروّعني=و أخاف من خاتمة خطوات محبوله
عدّت وعودك و في غفله توادعني=ما تشوف حالٍ على ذكراك مذبوله
دنياي و إن جيتني ما عاد توسعني=خطرٍ على النّفس تصبح منك مخبوله
تكفى فديتك تعال و لا تضيّعني=ما همّني لو تقوم الحرب و طبوله
ما و الله أنسى مقالك لا تطّالعني=و الرّمش الأسود بطرفٍ زاد عربوله
منين ما رحت لك طيفٍ يتابعني=و مفارقك حالةٍ ما هيب مقبوله