الضيقه اللي لادنا الليل ياحسين = أحذت على صدر المغربل وثيقه
لاغابت الشمس وتدانا مدى العين = ضيقة صدر ماهيب بيات ضيقه
ضيقه مثل ضيقة صدور المساجين = وحزن مثل حزن الشقيق لشقيقه
من صاحب قرب له حدود عامين = ماعاد يسمح بتصاله دقيقه
من اول لي من كبار الموالين = واليوم منه جروح قلبي عميقه
ان كان صده ظرف فنا له يمين = مانيب من يبخل بنفعة رفيقه
تعبت انا ادمح له خطى واعذره لين = ابحث عن اسباب الجفا والحقيقه
الجرح الاول تاركه بين قوسين = والجرح الآخر واضح للخليقه
لو للوفا شرع وسلوم وقوانين = ماكان جاء بالوصل شي يعيقه
وانا تجرع مر من حين لاحين = وروحه معا صمت المشاعر غريقه
يروح مرواح القطا بالجناحين = ولا مغيب النجم لقفا بريقه
مانيب من يتبع دروب المقفين = اللي يروح يسهل الله طريقه
لوكان يسوى في عيون ملايين = من لا يطيق وصالنا مانطيقه