والله اني في هواء خلي سكرجـي=شارب لي من هواء المجمول غرشه
خلي اللي من حبه من اسنين دجي=وسط قلب(ن) ثابت بالحب عرشـه
يالطيـف الـروح منـي لاتهجـي=نحمد الله ماخلق لي نفـس هشـه
ان لنا في خاطـرك بالعـز فجـي=زرعك اللي عندنا من مـاك رشـه
طار صوبك طيرنا من راس برجي=ليتكـم فـي قبكـم تبنـون عشـه
بني ابيوت الهـواء للـي يحجـي=واحذري لايجيب ساس البيت غشه
ياهجوس اللـي هجوسـه بتلجـي=ياهوا اللي لك هوا الخفرات حشـه
ياصفا اللي لك صفا والجو عجـي=ياكنين اللي غـلاك امسـا يخشـه
انتي اللي من بعدها الراس رجـي=وانتي اللي من بعدهاالكبد عطشـه
وانتي اللي من بعدها العذب دبجـي=وانتي اللي من بعدها الحال عشـه
لا تخليني لراعي الهـرج هرجـي=اللي من بحر الهروج ايجيب طرشه
ولاتجافي فما لجا من الهم يلجـي=وسط قلبي وما بقاء من بسط قشه
الجفاء للعين من من فيـه ترجـي=بلشـه مابعدهـا للعيـن بلـشـه