الطريق اللي مشاني رغم رفضي رغم خوفي=يبتدي مثل النهاية لاانتهى حلم بصياحي
اه...يا عتمة نهاره كنّها ظلمى الكهوفي=ظلمى كهفٍ ماتزاور فجوته شمس الصباحي
هاجسه ينبت سنابل..روسها تمسح كفوفي=تلمس الرعشة بطرفٍ فيه بات البرد صاحي
حفته من كل جانب..لين وصلت للكتوفي=مثلما حفت شكوكه فكر من كل النواحي
الحذر ماكنه الا قيد والهمة سيوفي=قيد الخطوة ولكن حدتي تطلق سراحي
والرجا يمشي الخطاوي كلما ارتب صفوفي=واتلفت مابه الا وحشة بصوت الرياحي
فجاةٍ طارت عصافير الخطر لحظة وقوفي=وانكسر غصن الامان وضاع بالظلمى سلاحي
ضمت عروقي فتات الغصن وابتلت كفوفي=وافتح الكف والاقي طير مكسور الجناحي
اقتربت وبان قصرٍ تاج محل ياخذ وصوفي=منه لكن فيه بابٍ مستحيل الانفتاحي
وحال سور الصين دونه مثلما حالت ظروفي=دون شوف الفاتن اللي ضمته تبري جراحي
وسط حصنه شع ضيٍ للقمر وقت الكسوفي=جزء غطته الغيوم..وجزء للاعيان لاحي
يجهر الاعمى ونظيري لو يشوفه مايشوفي=وانفتح بابٍ روماني نبرته تشبه صياحي
دام عيبي قو باسي وكان ذنبي (اني اوفي)=كيف ما اقدم باتجاهه؟ والعمر لا راح راحي
ماتوانى دون حلمي لو وقف دونه الوفي=(ابلغه ولا اتوفى) والله ان هذا وشاحي
لجل عينه صرت حاتم واعذب اشعارٍ ضيوفي=يكفي لامن قلت بيتٍ ذاب قطب وقطب ساحي
من قراني مانساني! بالضلوع انحت حروفي=هزت عروش المجرة لين عرش الشعر طاحي
الوكاد اني دخلت ومانظر للخلف شوفي=وشفت حورٍ تبتسم لي وابتسامتها ارتياحي
فوق ارجوحة قديمة شفتها اجمل هنوفي=واقبلت والرمش صوّب خافقي كنه رماحي
و قبل ايادينا تلامس اختفت مثل الطيوفي=وطلت بروق النهاية بالسما والرعد صاحي
وانتهى حلمي ب لا لا وعضة ابهام وحسوفي=وقمت من نومي وكفي قابض وسادة نياحي

صح الله لسانك يا خالد


قصيده جزله واسلوب رائع وسلس وجذاب


لا تحرمنا جديدك يالغالي


اخوك في الله

محمد الغريري

اقتربت وبان قصرٍ تاج محل ياخذ وصوفـي=منه لكـن فيـه بـابٍ مستحيـل الانفتاحـي
وحال سور الصين دونه مثلما حالت ظروفي=دون شوف الفاتن اللي ضمته تبري جراحـي
وسط حصنه شع ضيٍ للقمر وقت الكسوفـي=جزء غطته الغيوم..وجزء للاعيـان لاحـي
يجهر الاعمى ونظيري لو يشوفه مايشوفـي=وانفتح بابٍ روماني نبرته تشبـه صياحـي
دام عيبي قو باسي وكان ذنبي (انـي اوفـي)=كيف ما اقدم باتجاهه؟ والعمر لا راح راحـي
ماتوانى دون حلمي لو وقـف دونـه الوفـي=(ابلغـه ولا اتوفـى) والله ان هـذا وشاحـي