وابوي واوجدي على الصبح مطلاع=وجد الطوايا اللي على الماء حيامي
داجن وراجن ثم راحن من القـاع=ماقدمهن غير الـدرك والمضامـي
يابنت حطي فوق شاهيـك نعنـاع=كبي البداوه والبلـش والزيامـي
ترى البداوه ماتجي لك بالاسنـاع=عسره ولاتبنـي لأهلهـا سنامـي
رحتي تجيبين الحطب والبهم ضاع=واليا الحمير مـلاوذة بالضلامـي
واليا رجعتي للعرب عقب مفزاع=واليا ضيوفك مشتهيـن الطعامـي

لي صاحب منه تبي تطلع الـروح=خبل ومنهي مولعـه فيـه خبلـه
عامين المّح له من الجد ومـزوح=وأقـول ياعنتـر تناديـك عبلـه
طال المدى ثم قلت انا أغليك يالوح=مجروحة جرح مخاطـره عجلـه
دنق:وقال أنا من العـام مجـروح=واشر لجرح مبطي وسط رجلـه

ابو جديل واصـل حـد أذانيـه=أظلم علي الكون ساعة نطحنـي
ناظرت له من شان ما انصدم فيه=وهو يحسب انه في جماله ذبحني

مسكين ياعقد على عنـق شينـه=وجه غبر دمّر وهج عقد الألماس
وين الهبيل اللـي تبـي تفتنينـه=والله يلولا العقد لااقول عبـاس

لاوحـلالاه يالملـفـا=لوهي عجوزٍٍ ومجنونه
لو رجلها كنها الشلفا=وتهبل الناس بعيونـه