|
تعليق على صورة
اكتب التاريخ واشهد يازمن=امة الاسلام والمجد العظيم امة الاسلام والقوة لكن=ماتسير ابخط واضح مستقيم امة الاسلام صايبها وسن=سارين في العظم نارن في هشيم العقول تفيض بافكار الفتن=والقلوب احقاد مافيها سليم والصدور تضيق مليانه عفن=واليدين انجاس عفوك ياكريم والوجيه وجيه مافيها حسن=كل وجهن في وجه جاره خصيم والعيون عيون جند المن رطن=جاهزه للضرب تضرب في الصميم والصفوف شتات صايبها وهن=والعزوم ونعم بعزوم الحريم الرقاب اليوم للكفر اخضعن=غصب ولا طيب وافهم يافهيم سالفة رعديد لامنه فتن=منظره يعجبك والمخبر سقيم ذي وصايف حالنا ياهل الفطن=الرفيق يخون والخاين حشيم ضايعين بين امريكا ورشن=خاضعين لحكم شيطان رجيم عاث شارون الذليل المستجن=في وطن الاسلام جره للجحيم لاردعه اخلاق ولانظم اردعن=في ذرى الملعون الامريكي مقيم غابت اشموس ارضنا واغلنطسن=كل ركنن في الوطن غادن ظليم الحلوق ابيوم جينين اشرقن=من فعايل جند خنزيرن لئيم والعيون ابيوم نابلس اغرقن=من فعايل يد كفارن اثيم والشفا من ذل شارون اجرعن=جرعة الغساق مشروب الحميم يافلسطين الجريحه ذي سنن=سنها المعبود مولانا الحكيم اليتامى في المآذن يهتفن=عاليات الصوت تنخى في هليم يسمعون الصوت بقلوب ارجفن=رجفة الرعديد في ليلن بهيم ماخذوا من معتصمنا موقفن=واستعانوا بقلب هارون العديم ياصلاح الدين ماعنك مغن=في ديارن كل مافيها يضيم من يشيل الحمل ماهمه ثمن=ومن يزيل الظلم والخطب الجسيم ذاك ابو الشعب السعودي مارجهن=ذاك ابو متعب عسى عمره مديم ارتكى صقر المعالي واشتحن=فخرنا فخر العرب شانه عظيم قال مايوجد سلام ومطمأن=لين شارون الذليله يستقيم اويعود الحق لاصحابه علن=واضح الاركان مافيه اتعتيم من تعاليم الفهد قاد الرسن=فهدنا فهد السياسة والحكيم فيا الله يالمعبود يامنشي المزن=ياسميعن فوق عرشك ياعليم يااله الكون خلاق البدن=ياعميم الخير ترحم يارحيم انصر الاسلام في هذا الزمن=يوم كلن صار للذلة نديم واهزم اهل الغي جالبة الفتن=خاينين العهد من عهد الكليم زلزل اهل الشرك عباد الوثن=وامحق اهل الزيف والخلق الذميم في عذاب منك باصناف المحن=دارهم والحرث تجعلها حطيم دعوة في القلب ينطقها لسن=من ضمير شاف دمعات اليتيم ياشباب العرب يارمز الوطن=شب نار الحرب واجعلها ضريم الحرار اليوم ماتغضي جفن=والرخوم ارخوم حاضرها قديم لاتهاون في مطالبك وتعن=ابذل المجهود جهد مستديم اذكر الله ثم توكل واستعن=ماتخيب ومزبنك محيي الرميم ان يشاء الله يشهد ويأذن=بالشهادة لك وجنات النعيم |
الركن" أبو عبدالله "
صح لسانك قصيدة رائعة بروعة قائلها قلت فأبدعت وأطربت سلمت يمينك |
اقتباس:
ومشكور على القصيدة |
ياالـه الكـون خـلاق الـبـدن=ياعميـم الخيـر ترحـم يارحيـم
انصر الاسلام فـي هـذا الزمـن=يـوم كلـن صـار للذلـة نديـم واهزم اهل الغـي جالبـة الفتـن=خاينين العهد مـن عهـد الكليـم زلزل اهل الشرك عبـاد الوثـن=وامحق اهل الزيف والخلق الذميم مرحبا بالركن ابو عبدالله وبيض الله وجهك على هذه القصيدة الرائعة والصادقة في نفس الوقت ما أجمل المواهب حينما تذوب في بوتقة إياك نعبد وإياك نستعين أسعدك الله كما أسعدتنا بهذه المشاعر الجميلة أخوك المحب تأبط خيرا |
أررررحب يابو عبدالله ....
الركن ابو عبدالله أرحب ثم أرحب ثم أرحب ، آآآآآه والله إنك حفرت المواجع ياخوووك ، وهذا هو الواقع واللي صار ويصير الآن أخواننا المسلمين في حالة يرثالها من الذل والإهانة من الأعداء ، وباقي المسلمين متشاحنين بينهم " حيلهم بينهم". ماخذوا مـن معتصمنـا موقفـن .... واستعانوا بقلب هـارون العديـم ياصلاح الديـن ماعنـّك مغـن .... في ديارن كـل مافيهـا يضيـم بيّض الله وجهك على هذا الإبداع وهذا الطرق الرائع وليس مستغرب على مثلك يابو عبدالله ، الله يكثر من امثالك من الشعراء اللذين يحملون هم أمتهم . ولك مني كل الود والإحتراااااام. |
الاخوة الاعزاء
الواضح,,,,,,, تأبط خيرا,,,,,,,,, ابوعبدالمحسن المسعري,,,,,,,,,, تاليا,,,,,,,,, مروركم ومشاعركم وانطباعاتكم الجميلة وسام اعتز به لكم كل الشكر والتمنيات بالتوفيق |
رائعة جداً
اختلط فيها الحماس بالحزن بالهم الإسلامي الأصيل صح لسانك إلى مالانهاية ياركن . |
الركن أبو عبدالله
بيض الله وجهك يالقرم على هذه القصيده المثيره آآآآآآآآآه ثم آآآآآآآآآآه ولكن الله يعز الأسلام والمسلمين ويخذل أهل الشرك والملحدين صح الله لسانك يالقرم ملاييييييييييييييييييييييييييييين ولايكفون تقبل الود والتقدير محب الجميع : دغش البطي |
صح لسان يا ابو عبدالله
وبيض الله وجهك على القصيدة اللي تحرك المشاعر كتبت فأبدعت تسلم يمناك تقبل ودي واحترامي |
صح لسانك يابو عبدالله قمة في الابداع والحقيقه يعجز اللسان عن وصف هذه الرائعه لاهنت ويعطيك الف عافيه ....
تقبل تحياتي ,,,,,, |
صح لسانك على هالقصيدة التي تحكي الواقع الأليم للأمة الإسلامية
ولكن فجر الأمة ونورها عما قريب سيسطع بإذن الله وسيهزم الجمع(الكافر) ويولون الدبر |
الاخوة الاعزاء
دغش البطي......الموج................نايف...........سفي ر السليل لاهنتوا على مروركم وانطباعاتكم الجميلة تقبلوا مني خالص الامنيات بالتوفيق دائما..... |
ماخذوا مـن معتصمنـا موقفـن = واستعانوا بقلب هـارون العديـم ياصلاح الديـن ما عنـّك مغـن = في ديارن كـل مافيهـا يضيـم الركن عبدالله أسأل الله ان يجزيك خير الجزاء وان يثيبك ويكتب اجرك يرفع قدرك .. و الله قصيدة تدمع لها العيون وتحزن لها القلوب من مآسي للامة وتكالب الاعداء عليها من كل جانب .. اللهم انصر المجاهدين الذين يجاهدون في سبيل اعلاء كلمة لا اله الا الله محمد رسول الله فوق كل ارض وتحت كل سماء .. الركن عبدالله جمعني الله واياك في جنة عرضها السماوات والارض اعدت للمؤمنين اخوك في الله محمد الغريري |
الاخ سالم الغريري
لاهنت اخوي الكريم على مرورك وكلماتك الطيبة تقبل فائق احترامي وتقديري |
الاخ محمد الغريري
اثلج الله صدرك وعمره بالايمان كما اثلجت صدري بهذه الدعوة المباركة مقدرا مرورك وانطباعاتك الطيبة تقبل مني فائق الاحترام والتقدير |
الساعة الآن 11:15 PM
 |
Powered by vBulletin® Copyright ©2000 - 2025, Jelsoft Enterprises Ltd.
---