مبروك تجديد الثقة فيك ياشيخ=والصدق : (للمجلس) نبارك قراراه
تعيين وافين الرجال المطانيخ=تشريف للمنصب وحفظ لوقاره
وأنت اكتسبت المجد فعلً وتاريخ=من طيب ساس وراس نلت الصداره
بالدين ترقى النايفات الشواميخ=مجنّبٍ درب الهوان ومساره
وعندك عصيّات المراجل مناويخ=والطيب في يمناك رهن الإشاره
ولاهي غريبة تكسب المدح وتشيخ=وأبوك رمزٍ من رموز النعاره
برجس اكعام أهل الوجيه المكاليخ=ومنصا الذي ضاقت به أرضه وداره
وقفتْه مثل الماء وحلو الشماريخ=للي شكى طول الضما والمراره
والليث يرّث ليث والذيخ من ذيخ=هذي الحقيقة بإختصار العباره

يامرحباً ترحيبةٍ تنضح عْطور=ماصنّعت باريس ريحة زهرها
هندي وكمبودي وجاوي ومغمور=لاذعذع النسناس فاحت كسرها
بإسمٍ على اللوحة مدوّن ومسطور=يقطعْك روسٍ مايوقّف شعرها
إن مابدعت القاف مانيب معذور=هذا الفخر يابدوها ياحضرها
أفخر بابن عمٍ تعلّى كما الطور=ضلعٍ زما فوق الجبال وصخرها
أبومعاذ اللي سبح غبّة بْحور=ثمْ جاب من غالِ الجواهر دررها
جاب الشهادات العُلى كلها نور=ومن يخلص النيّة بيقطف ثمرها
فالعلم دكتورٍ وفالطيب دكتور=حتى الشهادة فيه تعلن فخرها
ماهيب دكتوراه غازي ويغمور=غراّ الشريعة غارفٍ من بحرها
ومتواضع الجانب ولاعاش مغرور=أهل الغرور الله يبعّد اديرها
ناسٍ تزوم نفوسها خلها اتغور=محدن درى عنها ولحدن ذكرها
المدح للي في الملّمات مذكور=يذلّل الصعبة وياطا وعرها
أمثال عبدالله بلانقص وقصور=فأزكى الرجال اللي ينومس خبرها
حرٍ ولد حرٍ ولاهوب مغمور=ابن الذي ياطا الكروب وخطرها
برجس وبرجس عزوة اللي شكى الجور=بحر الندى وأكرم من البحر وأرهى
خلاّ ( الحظافة) كلها فللّ وقصور=مشرّعة الأبواب للي نحرها
قلت الكلام اللي بعيد عن الزور=شمس الحقيقة مايغطّا سفرها
وصلاة من نجّى كليمه بعاشور=على الرسول اعداد وابل مطرها