بسم الله الرحمن الرحيم


مشاركة بسيطة وهي أقل ما تُـقدم في رحيل فقيد الأمة العربية والإسلامية خادم الحرمين الشريفين الملك الراحل فهد بن عبد العزيز عليه رحمة الله 0


الحــــمــد لله مــبــــتدأ قولـــــي الآن 000 والشكر له محيي العظام الرميمه
اللي خلق هالخــــــلق أنسه مع الجان 000 وقــــدّر لها العيشة بليا ظليـــــمه
ومن عــــــاش لابد يتقــفــاه ديـــــان 000 ويأخذ حقوقه لو الأنفس ذمـــيمــه
ومصايب الدنــيا بلاعـــــــد وأوزان 000 مــراً تصيب الـعـبـد ومـراً سليمه
والمـــــوت حقٍ ثابت لأي إنســــــان 000 والرابــح اللي به صـلاحٍ وشــيـمه
وهذا هو الحاصل ضحى يوم الاثنان 000 موتت مليك العرب مدري زعيمه
خــــادم بـيـوت الله سـلايل كـحـيلان 000 أبن الشــجاع اللي عـلـومه عظيمه
اللي رقــى بالمـمـلـكـة كل مــيــدان 000 وأســس قــواعــدها بحكمة صريمه
وعـم الأمـن كل المنـازل والأوطان 000 والـخــيــر أصبح حـالته مُـستديمــه
بـفـضل الله المنان ثم فضل خيـران 000 فــهــد الـسـياسـة والأمـور الحـكيمه
أول وزيــراً للــمعـارف كـحــيـلان 000 فـهـد فــهــد فـــرقــاك والله ألــيــمه
يابو اليتامى يا فرح كل زعــــــلان 000 يا مــاســح الــدمــعــة بكفٍ رحيمه
يامن طـبعت المصحف باسـم قرآن 000 أنا اشـــهد أنها يامـلـكـنـا غــنــيــمه
تحكم بـشـرع الله وتدعـوا للاحسان 000 وتقمع دٌعاة الشرك وأهل الجريمــه
ويوم انتهى عمره ومنه الأجل حان 000 ســـلّـم لـرب العــرش نفسٍ كريمه
يرجـو عـفــو ربه وطمعاً بـغـفـران 000 من عـنـد من يٌـزجي سـحابٍ بغيمه
فيا الله يا المطلوب يا عالي الشـــان 000 يا للي عبيدك فـوق أرضــك مٌـقـيـمه
انك تـبـدل سـيـتـه بعفو وإحســـــان 000 وبوسط الجنان يعيش بأعلى نعيمــه

وسلامتكم جميعاً

أبو عبد المحسن المسعري :



صح بدنك وبيض الله وجهك على تعليقك وردك الطيب ورحم الله فقيدنا رحمة واسعة وأسكنه فسيح جناته إنه ولي ذلك والقادر عليه

مراقبنا الغالي : دغش البطي


صح بدنك وبيض الله وجهك على تعليقك وردك الطيب ورحم الله فقيدنا رحمة واسعة وأسكنه فسيح جناته إنه ولي ذلك والقادر عليه

أكرر لك شكري لمرورك الكريم وتعطيرك مشاركتي المتواضعة بردك اللطيف لك تحياتي

الغالي : الواضح



صح بدنك وبيض الله وجهك على مرورك وتعليقك الجميل

المشاركة الأصلية كتبت بواسطة الركن "أبوعبدالله" صح لسانك يابو مبارك ولاهنت تقبل وافر التحيات

المشاركة الأصلية كتبت بواسطة ابن هديهد ابو مبارك المسعري الله يصح السانك ويعلي مقدارك قصيده جزله من شاعر جزل الله يرحم الملك فهد ويسكنه الجنه والك من محبك جزيل الشكر والعرفان ابن هديهد

المشاركة الأصلية كتبت بواسطة العلنطي ابو مبارك المسعري صح لسانك والله يرحم الملك فهد بن عبدالعزيز رحمة واسعه